الموت هيّن والبلا وش ورا الموت

الـمـوت هـيـن والـبــلا وش ورا الـمــوت
عنـد الحسـاب .. يهـون سـهـم المنـايـا

بـاكــر نـمــوت و تـصـبـح قـبـورنـا بـيــوت
وعــقــب الـقـصــور بـضـيـقـات الــزوايـــا

في جوف الارض وكل من حولك سكوت
وتـعـاقـبــن بـالـقـبــر عـــــوج الـحـنــايــا

يــارب يــا منـجـي نبـيـك مـــن الـحــوت
سـتـرك وعـفـوك يــوم كـشـف الخـفـايـا

بـاكـر لـيـا جيـنـا عـلـى داعــي الـصـوت
شـيـبـان واطــفــال وشــبــاب وصـبـايــا

نـدعـي وحـنــا بـيــن بـاكــي ومـبـهـوت
ورحـنــا لـهــا نـنـقــاد مــثــل الـسـبـايـا

يــا رب تهديـنـي قـبــل لـحـظـة الـفــوت
وتـغـفـر ذنــوبــي يــــا كــريــم الـعـطـايـا

اشكـيـك هــم ٍ داخــل الـصـدر مكـبـوت
وايــامـــي الــلـــي بـالـخـطـايـا مــلايـــا

ان لاذ بــك مــن كــان طـايـع و مبـخـوت
فــي مــن يـلـوذ المـرتـكـب للخـطـايـا ؟

يــا رب يــا قــادر عـلــى كـــل طـاغــوت
لا يـاقــف الـلــي وحـــدوا بــــك خــزايــا

رحـمـاك لا مـنـا صحـيـنـا مـــن الـمــوت
والــيــا وقـفـنــا عــنـــد بــابـــك عــرايـــا