.,: قولوا له اني مارتضي :,.

قولوا له اني مارتضي


[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]ما كنـي اعرفـه ولا كنـي ابغيـه=وانا عليه من امه احـب واجـرى
ياكثرهـا تسليمـة يــوم الاقـيـه=لي عين تكتب له وله عيـن تقـرى
ولا حل طاريـه تجاهلـت طاريـه=ماكني ادري عنـه وانـا بـه ادرى
احشم قريبه حشمـة لـه واداريـه=واخشا يجي في خاطره شي وادرى
بسكات يغليني وانـا حيـل مغليـه=لا تيلفـون ولا مواعيـد غــدرى
لا اسولـف بحبـه ولانـي بكانيـه=وغيري لونه يوالفـه كـان هـذرى
لايحسبنـي يـوم قفيـت ناسـيـه=لعيونـه انـي ماتحاليـت عـذرى
ليت الزمن يرجع وانا اعلمـه ليـه=ولا الحظوظ من المقابيـل تشـرى
كل العذارى في الوفـاء ماتساويـه=كنه اليمين وباقـي الغيـد يسـرى
قولوا له اني مارتضي بالبـدل فيـه=لا مال قارون(ن) ولاعرش كسرى
يرتاح ماغيـره مـلا عيـن هاويـه=غلاه نهر النيـل والقلـب مجـرى
واكبر دلليل اني الى غـاب احاتيـه=كم لليلة ماتت علـى كـف مسـرا
وان قالوا انه شرق وازريت لا اجيه=وجهت وجهي كل ما نمت حـدرى [/poem]