شيله مادام ان الزمن قاسي صالح آل مانعه .
بسم الله الرحمن الرحيم
هذي القصيده:صالح بن مانعه المري
[poem=font="Arabic Transparent,4,white,bold,normal" bkcolor="black" bkimage="backgrounds/28.gif" border="none,4,white" type=0 line=0 align=center use=ex num="0,black""]
مادام ان الزمن قاسي ومدات الليالي شحاح = ترا ما للفقير الا يمد أييده لخلاّقه
وانا من فضل ربي عشت في وقت العنا مرتاح = والى جار الزمن ماقمت احاتي نوض برّاقه
لو ّان قفل الزمن ماله مع بعض العرب مفتاح = فلاضني بتلقى واحدٍ طعم العسل ذاقه
ولكن خلقت الدنيا كذا والرابح المنزاح = عن دروبٍ مماشيه صعيبه تخلف الفاقه
ومدام اني على احسن مايرام وخاطري منساح = فموضوع الزمن مافيه داعي نكشف اوراقه
ابدله عن صواديف الزمان اللي حياه رياح = وادلّه نفسي بشيٍ عليه النفس سبّاقه
رعاك الله ياللي طال صبري لين سدي باح = وقلبي في يدك بابه ومفتاحه ومغلاقه
اسوج الرجل واقدامي على درب الغلى سراح = وقلبي في غلا حضرة جنابك ماحدٍ عاقه
عطيتك من بعض روحي على خبر القلوب صحاح = وبدّيتك على نفسي بشيٍ يصعب اطلاقه
الين اصبحت من بين العذارى تنعرف بوشاح = تليق بسمعةٍ فيها بنات العصر تواقه
وفي كسرة عصى تزعل : وتحرق شجرة التفاح = وتكويني على الضلع القصير وتنضج احراقه
لوّ انك تكتشف حزنٍ تكامل فـ الضمير وساح = دريت ان لك مكانٍ في ضميري تنزف اشواقه
ترى ماللزعل داعي تغانم فرصتك ياصاح = تغانم فرصتك قبل الزمن يقفي بمعلاقه
تعال: وعالج جروح الحزين وكل شيٍ راح = تعال: وجدد آمالك ترى الأيام سرّاقه
سرقت القلب واثرك معتبرها سرقة المزاح = حدٍ شافه ضحك وان ماحدٍ شافه رقع ساقه
[/poem]
‫شيله مادام ان الزمن قاسي صالح آل مانعه‬‎ - YouTube
