عيدك سعيد وتوّ عيّد وطنّا& إهداء الى سلطان الخير &

أسعد الله صباحكم بالخير جميعاً في منتديات غرابيل
مشاركه متواضعه أمل ان ترتقي لذائقتكم الشعريه
إهداء الى سلطان الخير بمناسبة عودته الى أرض
الوطن سالماً معافا & بحمد الله &


[poem=font=",7,crimson,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طاب القصيد وطاب كيف المعنّا=جزل القوافي صغتها اليوم شفقان
إيه القوافي طاوعن ماعصنّا=دامي بكم ياسيّدي جبت الألحان
خذيت جزله في عجل ماتونّا= واجب ومنيه حققه عالي الشان
هلا بأبو خالد وحبّك سكنّا=يأبن المليك مخلي الشعب صدقان
وحّد قبايل نجد منّا ومنّا=حتّى أصبحت المملكه بأمن وأمان
سعى للمّ الشمل حتّى أستكنّا=عبدالعزيزاللّي له العزّعنوان
أبحمدالله يوم بشفاك منّا=شعشع تبسّم هالوطن والسعدبان
وليّ عهد ومزبن ٍ للمجنّا=قايددفاع المملكه وانت سلطان
الشعب هلاّ سيّدي له تسنّا= على السلامه هنّو الليث لاهان
هلا هلابك والتحيّه تثنّا=وأنا بعد جيتك مود ٍ وضميان
ضميان شوفك والمثل جاك هنّا=ومن الضماكتبت الأبيات ولهان
ولهان لجل اللّي علومه لفنّا=ومن الوله فيني عجل بعض الأحيان
أنخى البيوت أحيان ونوب ٍ نخنّا=عسى عساني صغت الأبيات بإتقان
يالفيصلي والله بك القاف غنّا=مشتاق لإسمك قبل شوفك بالأعيان
عيدك سعيد وتوّ عيّد وطنّا=العيدوالله شوفتك ياكحيلان
أبوالشهامه والوفافي زمنّا=أصل المعزّه غيث ضافي وهتّان
الطيب من بصمة سموّك تحنّا=الجود ساس الجود ياطلق الأيمان
أبو اليتاما اللّي عليهم يحنّا=ياكم مجمّع شيّده لجل يتمان
وحنّاجنود الجيش للعهد صنّا=نحمي حماهالاغدى الجوّ دخّان
لابانو العدوان له دوم بنّا=والله نبين ويصبح الضدّمنهان
حنّاجنود الجيش بالعون حنّا=جندي فدائي للوطن عاش مندان
ياطامع ٍ ببلادنا ماتهنّا=دونه جيوش ٍتحميه وقت الأكوان
يسلم شجاع ٍ عاش فينا ومنّا=والله نضحّي للوطن طول الأزمان
وكان المنايا عن وطنّا دعنّا=أهلاً هلا بالموت وأهلاً بالأكفان
موت المعزّة بسّ يبقى وطنّا=عزيزفيه إعزاز والقول وكدان
إشمخ تبسّم ياوطن وإطمئنّا=مهبط وحي وإسلامنا عزّ الأديان
بالجيش ياللّي تنشد اليوم عنّا=عشنا بمعزّه قادنا نسل شجعان
مكـّة وطيبة سيّدي لادعنّا=نلبّي الدعوه شباب ٍ وشيبان
حب الوطن في خافقي مستكنّا=وكل الولا والحبّ لليث سلطان
صلّو على اللّي به ختمنا لحنّا=الهاشميّ المصطفى نسل عدنان

[/poem]

صح لساااااااانك يابو احمد

جزل ولا جبت الاجزله ويستاهل راعيها

تقبل مروري وكل عام ونت بخير

يستاهل أبو خالد

وصح إلسانك يالجزل ,,


ودمت بود

محمد هنيدي الشمري ,,,


صح لسانك ولاهنت على هالرائعه

صح قلبك وكلك
وسلمت اناملك

تحيتي لك