المشاركة الأصلية كتبت بواسطة حمود البقمي
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=1 line=0 align=right use=ex num="0,black"]
يا سراب العشق تاهت نظرة العين بحجرها = ما لقت بين البرايا همها اللي تشتكي له
تاهت ادروبي بعيني والله اعلم عن خطرها = صايرن مثل الكفيف اللي عصا ايدينه دليله
من رحلتي والليالي تِسقي الخافق كدرها = خافقٍ ذاب وتعنى في مشاعرك النبيله
خافقٍ بين المحاني ليلته مااحدن سهرها = ليلةٍ يوضي قمرها من همومٍ تستخيله
لحظةٍ فيها رحيلك يصعب اني اختصرها = كيف بنسى من بَعَدها صارت اوضاعي هزيله
كيف بنسى من عيونه روحت بي في بحرها = ساهي الرمش ايتباهى في مدامعها الكحيله
كيف بنسى خصلتينٍ عانقتني من شعرها = اختلط حمر الشفايف مع سوادٍ في جديله
انتشيت السكره اللي ماحدٍ غيري سِكَرها = رشفتين امن الثنايا سال منها سلسبيله
وكيف بنسى عٍقدها اللي طوق العنق ونَحَرها = أبيض الماس ايتلالا في تهاياها الجميله
شولعي العود ناعم والنسب قمة فخرها = بنت شيخٍ ف المواقف تذكره كل القبيله
ناعم الخصر ايتثنى عود موزٍ في نهرها = الحلايا من حلاها تستغير وتنتمي له
نرجسي الذوق مترف جل معبودٍ سحرها = العفو يارب والله ما لمحت اللي مثيله
حال مابيني وبينه من حياته ماعمرها = ياعسى عمره قصير وياعسى ربي يشيله
ألطفي باللي حياته صد واعرض عن زَهَرها = مابقى له غير ذكرى صدمة الخل بخليله
ليت قلبي ماتعنى بالهوى يتبع أثَرها = أسعد اللحظات عنده يوم جيتي في سبيله
كنت داله في حياتي والمشاعر مادمرها = غير سِرب امن العواذل في سوالفهم غليله
مارحمت اللي عشانك دمعة اعيونه نثرها = بين جمع امن الخلايق يوم قالوا عزتي له
دار دولاب المثايل بالحنايا يا دهرها = ما على مثلي تِشرِه والهوى قصه طويله
دام قلبي بين ايدينك والمشاعر ماحقرها = كل عٍرقٍ من عروقه ينبض اهمومٍ ثقيله
طال صبري والسحايب ماعطتني من مطرها = ناحل العود اعتراني رهبة الروح الذليله
لعنبوها والله انه عندي أغلى من دررها = تايهٍ فكري وضايع بس ماعندي وسيله
ارتكزتي في صميمه وانتي احلى من ثمرها = وارتهن قلبه غرامك ولا بقى له فيك حيله
جيت كلي عند بابك ياغناتي وانتِظرها = نظرةٍ من رمش عينك وصارت اعيونك بخيله
رح توكل ماعشقتك ياسرابي واعتِبرها = طيش عاشق سال دمعه يوم قلتي يا الهبيله
الهبيل اللي صفا لك والموده ماهجرها = حافظك حفظه لعينه بين عدل وبين ميله
يا حمام الورق يكفي لا تغرد في شجرها = لا تزيد امن المواجع يكفي اطعوني هديله
لو طلبتي اسنين عمره ياشقيه ماذخرها = جاك هادف من غرامه شايل الموت بشليله
ذكرياتك في عيونه يوم ماتت ما قبرها = تعزف اوتار الموادع كل ليله واتحكي له
ارتخى كتفه لعينك والهزيمه ما نكرها = الفخر كل الفخر له يوم كنتي تسمعي له
يكفي اللي ماجرالي من سواليفٍ نشرها = ساعةٍ فيها حلفتي والله للعن سلسفيله
شمعتينٍ في يمينه يوم غبتي ماكسرها = من غروره قال يمكن تندمين وترجعي له[/poem]
حمود البقمي
" عاشق سراب"
