يا كان من ليلة على أرضك تساويت

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا كان من ليلة على أرضك تساويت=عـــيّـــا وفـــاقــــك لا يـــلايــــم وفـــاقــــي
لــو كــان فالضيـفـان مـــا قـــد تـرديــت=وجــــوّك مـتـيــع و تـعـتـنــي بـالـطـراقــي
مـن يـوم طبيتـك و أنــا مــا أسفهلـيـ=تلــعـــلّ مـــــا يـبــقــى لأهـالــيــك بـــاقـــي
حاولـت أوسـع خاطـري فيـك و أزريـت=بينـي و بـيـن أطـبـاع أهـلـك انشقـاقـي
والــيــوم غــايــة رغـبـتــي لــــو تـمـنـيـت=فـرقــاك و أنـتــه مـــا تــبــى إلا فــراقــي
والـلـي عـلـى بـعـده مــن البـعـد حنـيـت=وينـتـابـنـي عــقــب الـحـنـيـن اشـتـيـاقـي
نجـد وهـواه و شـوف هـاك السبـاريـت=الـلـي لـهـا فـــي وســـط قـلـبـي رواقـــي
ومـنــادمــة روس الــرجـــال الـنـعـاتـيـت=كــــل أبــلـــجٍ لـــــه فـالـطـويـلـة مــراقـــي
ولا أحــدٍ يواخـذنـي لـيــا قـلــت هـاويــت=وضح ٍ تفرق ما اجتمـع مـن ضياقـي
وضـح ٍ لـيـا مـنّـي مــن الـمـدن ملـيـت=مـعـهـا انـشـراحـة خــاطــري وانـطـلاقــي
أمـــا لـيــا ســنــدت و ألا لــيــا انـحـيــت=مـــــع درب بـــــراق ٍ ســرالـــه شـعــاقــي
برق ٍ سرى يوضي كما يوضي الليـت=بـعــروض نـــوٍ ســـاق مـزنــه وسـاقــي
وتعـرضـه مــن رايـــح الـشــرق تثـبـيـت=يثنـي عـلـى الـريّـض أرقــاب السبـاقـي
ليـا شـفـت بـراقـه عـلـى سيـلـه أرهـيـت=بــيــضٍ مـراهـيـشــه مـطــرهــا حـقــاقــي
تـذبـح لـهـا حــي ٍ و تحـيـي لـهـا مـيـت=وتصـبـح بــه الـوديـان مـثـل الـسـواقـي
وأمــا تحاسـنـت العسـاسـه و عـسـيـت=ومشـيـت مــع سيـلـه و نـبـتـه دقـاقــي
وألا علـى دربــه لـيـا أصبـحـت شـدّيـت=وخلـيـتـهـا تــاطــى الـحـثــم و الـرقـاقــي
وضح ٍ ليا احتسـت و شافتنـي أنويـت=قـامـت تـسـوق أنفوسـهـا مــا تـسـاقـي
تنجـال مثـل الصيـد لا صحـت وأوميـت=وألا لـــيــــا طـــــــق الـلــبــيــد الــعـــراقـــي
يـجــيــك مـمـشـاهــا تــبـــارى تـفـاخـيــت=مافـي بعضهـا عـن بعضـهـا انفهـاقـي
ولـو حـال مـن دون المعشـى مراريـت=تــرهـــي عـلــيــه مــعــربــات الـعـمــاقــي
من ساس وضح ٍ فالجزيره لها صيت=عــلـــى مـخـاذعـهــا تــلـــوح الـحــلاقــي
ولــيــا تـثـنــت فــــي نــبــات الـسـواريــت=فــــي خــايــع ٍ لأرقــــاب نـبـتــه زراقــــي
غــــادٍ بـوسـطــه لأم ســالــم زغــاريـــت=وفـيـه الزبـيـدي مـثـل بـيــض الـطـواقـي
ثــــم جــيــت فـأولـهــا ولـلـنــار شـبــيــت=وقـضــب عـراقـيــب الــــدلال الـشـلاقــي
مـا اغبـطـك يالـلـي فالحـضـاره تلّـويـت=يا موالف الجدران ويـش أنـت لاقـي؟؟
لو كـان فالحصـن الحصيـن استكنيـت=وتـقــول أنـــا مـرتــاح مـانـيــب شــاقــي
كـانــك عـلــى هـالأنـطـواى اسـتـمـريـت=وســوّيــت مــــع بــــث الـقـنــاة اتـفـاقــي
أمــا مـــن الـسـكـر شـبـعـت و تـروّيــت=وألا بـصـرك أوشـــك عـلــى الاحـتـراقـي
سـج النفـس واضـرب دروب الخراريـت=لـو مــا تــذوق مــع الـخـلا مــا يـذاقـي
مـا ينطـوي فــي غـرفـة ٍ فـأخـر البـيـت=غــيــر الــــذي راســــه يـبـيـلــه عــراقـــي [/poem]