البـارحـة جفـنـي عــن الـنـوم مـذهـول

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] البـارحـة جفـنـي عــن الـنـوم مـذهـول=طــيــب الـمــنــام ولــذتـــه مـاحـصـلـلـي
اليـا شتـل عينـي عـن الـنـوم شـاتـول=أخــذت مــع هـاجــوس قـلـبـي تـسـلّـي
وليا عذل عيني عـن السهـر عـاذول=قـلــت الـسـهـر يـاعـاذلـي جـايــزٍ لّــــي
مـادام الـي قلبـاً مــن الـحـب مـدهـول=ما اشوف في كثر العـذل صالـحٍ لـي
اتـركـنـي اتـبــع راحـــت الــبــال واقــــول=مـن ماتصـور واحـضـره هـاجـسٍ لّــي
خـل القلـم يكتـب مـن القيـل معـسـول=ابــيــع واشــــري فــيــه واخـــــذ وخــلّـــي
اخــذ مــن اول صـفـوة القـيـل مـزلــول=واتــــرك حــثــال الـقـيــل عــنّــي يــولّــي
عـسـى يـعـالـج خـاطــراً فـيــه نـشـبـول=مـن ضيقتـه ضـاق الفـضـا والمحـلّـي
كــان العـزيـز يصـيـح للـحـب مـذلــول=فـــانـــا الــذلــيـــل ولاحـــــــداً ذلّ ذلّـــــــي
دايــم وجيـبـي بــأزرق الـدمـع مـبـلـول=وحالـي نحيـلاً مـن الـهـوى مستخـلّـي
حــالاً بــراه الـهـجـر حـــولاً ورى حـــول=يالـلـي يـتـوق لهـجـر الاحـبـاب حـلّــي
طفلاً طغى مالـه بسـوق الهـوى دول=بأحـلـى صـفـات المحصـنـات متـحـلّـي
راعـي هـدب عينـاً بـلا كحـل مكـحـول=والـبــدر كـنّــه فـــي الـجـبـيـن مـتـجـلّـي
ما احرزت اجيه ولايجي منه مرسول=بـيـنــي وبـيــنــه واحـــــداً واقـــــفٍ لـــــي
علـيـه قـلـبـي بـيــن الاظـــلاع مـتـلـول=ودايـــم وهــــو لـلـبــال قـبـلــة مـصـلّــي [/poem]