هذي القصيده لي الظاهرررر
خابر لي قصيده زيها او مشابهتها
هههههههههههههههه
كنت كاتبها في ورقه وضيعتها
طارت مدري وين راحت
خلوني اتاكد
بعد التأكد طبعاً
لا لا الحمد لله ماهي قصيدتي
ولاهي لي أنحقها على اللي خلقها
وصح السان شاعرها
اتوووقع انه محمد بن ضاوي
عليها حرده ولو اني ماني متاكد
يازين القصيده زيناه
والله ان ماسويت اقل منها بشوي
اني ماني شاعر ولعاد اكتب بيت واحد في الشعر
من بعد ذالليل ههههههه
وابو عبدالرحمن يقول
من فلس يعود يردد قصائده القديمه
هههههههههههه يتمسكن علينا
يبي احد يصدقه انه مسيكين ومفلس
لا تصدقونه والله انه أغنا في الشعر من
بنك الراجحي ومؤسسة النقد
ههههههههههه والبنك الدولي
واتمنا اني ماطولت وثقلت عليكم
بثقل دميي اللي اليا رقيت
لي ميزان من ثقل دمي اعطبته عن الشغل
ههههههههههه
هذي قصيدتي اللي اقول لكم
احسب انها منول الأبيات اللي ذكرت
واتمنا لها الاعجاب واقل الرضا
وانتبهو لاحد ياخذ منها شي
تراها
أمانه في رقبت نقاء الثلج
وابو عبدالرحمن
[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين عطني من شفاك ابتسامه =واكتب بك أخر لي قصيده جديده
انا بصدري منك أحس أنكتامه =وعرفك .. نهار الله علي لا يعيـده
خابر على راسي عقال وعمامه =وأمسيت منك عبد في حكم سيده
رحت المحرق قبل أروح المنامه =ولا صحيت الا وانا في بريده
يقرا عليه شيخ مانسا كلامه =رقيه بعدها سار ممشاي سيده
صوته من القران فيه الصرامه =يجمد الدم في بليس بوريده
وحبك ركز في وسط صدري حسامه =وامسيت بك مثل الذي وسط قيده
وانا من اللي معتليك ألف قامه =مع من بجزل الشعر عالي رصيده
واقود جزل الشعر قود بخطامه =وغيري يعصده مثل عصد العصيده
أجلس مع أصحاب السمو والفخامه=داله وسالي فالحياة السعيده
ياللي تقلد مشيتك للحمامه =الصدر ناره منك تسعر وقيده
والحب قبل اهواك جاهل نظامه =واثرك مايضهر بحبك شريده
والليل موحش من فراقك ضلامه=وش اللي ابعمري بعدك استفيده
لانامو العربان ماعرف انامه = والنوم لا خم الجفن مايصيده
وفكرت اروح أشكيك على (أوباما) وبامه =ريس مريكا الدوله اللي بعيده
وقالولي العراف بنه قمامه =لادين لامذهب ولاله عقيده
وانا ولد داراً عزيزاً مقامه=وحكومته أعدل حكومه رشيده
دار السعودي ماعليها ملامه =وعباد خلق الله عليها شهيده
في دار ابو متعب عزيز الكرامه =راع الوفا وأسما الصفات الحميده
الله يحقق فالوطن له مرامه =ويمد في عمره سنينٍ مديده
مليكنا راع الوفا والشهامه =الله يبارك فيه والله يزيده
ماقامت ابحكمه علينا القيامه= الله يكيد ويخذل اللي يكيده
مرت على راسي بطيبه غمامه =وانا معاير لي على راس صيده
متمعرضه لي مع طعوس الثمامه =محافها الصياد شقحا عنيده
ماهي بامنقطعه ولا هي هلامه =لو حافها حاكم بلد في مصيده
يموت منها بالهواء في غرامه =ولو حب رجليها غلا ماتريده
وجمالها فرض علي احتراامه =ومن الحيا قمت اتصفح جريده
والليل موحش من حلاها بضلامه =وغريت بعد أستوت لي رميت الصيده
وختامها منك العفو والسلامه = يارب دبر ماكتبت وتريده
[/poem]
وسلامتكم
