المشاركة الأصلية كتبت بواسطة !شيخ الشباب!
[frame="7 80"]
جديدي ,,,
وأتمنى أن يعجبكم ,,
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يوم ان ولد اللاش يكنز ارياله = كنزت من عرف النشما رصيدي
ولا الردي ياخوك مالي وماله = يذلف ذلفه الله ويبقى بعيدي
مانيب أخاوي من يحوس الدماله = ولا نيب خبلٍ يقرب الخبل حيدي
ومن لاتنومس في دروب الشكاله = تموت ناره جعلها ماتفيدي
ولو الزمن يرحم وياوي عياله = ماخاشر (المسبوه) خطلان الأيدي
المرجله عدٍ صعيبٍ مناله = من دونها السادات تولى العبيدي
مثل الرتب وكل رجلٍ وفاله = هذاك جندي صف .. واخر عقيدي
واحد اليا منه تكلّم .. لحاله = لاقال ماينقص ولاهو يزيدي
والثاني اليا قال يوفي مقاله = يقوم له جيشِ ويشعل وقيدي
ماكل رجل ٍ لا نتخى .. يعتزى له = ولا كل راي ٍ ينوخذ به سديدي
يالله يالمعبود ياذا الجلاله = تكفيني اللي بالخساسه يكيدي
وتكشف لي الأنذال في كل حاله = وأميّز الخسران والمستفيدي
,
ليت النذاله عرق وأقطع حباله = وأقصه من أقصى حدود الوريدي
,
وأعيش في كون ٍ فسيح ٍ مجاله = وألبس من الأفراح ثوب ٍ جديدي
وأشب ناري وباقي الوقت داله = وأجيب من جزل المعاني قصيدي
قلته وسجّل يا نديبي ((رساله)) = من عاش بالحيلات يبقى وحيدي
[/poem]
أخوكـــم / ماجد بن حباب[/frame]
