مآني بمتوقّع البستان يصبح هشيم / جديدي
السلام عليكم و رحمة الله و بركاته
صباح / مساء الخير ، احب اقدم لكم قصيده تتكلم عن حال الناس مع الحب
في هذا الوقت .. الا من رحم الله
يا آفة العصر يا حب الزمان العتيم
اللي يتوّه كل صادق في زمان الاقنعه
جيته ادوّر على ليلاي في الليل العقيم
زارع ورود الاماني وسط بستان السعه
مفكر الوقت يسعفني و اخيله كريم
و متخيل ان الاماني بتحقق معه
ماني بمتوقع البستان يصبح هشيم
من وقت هشّم على كيفه ولا امنعه
لقيت حب الزمان اليوم وضعه اليم
ما حبوا الناس صدق الناس متصنعه
لا شفتهم قلت يووه الحب هذا قديم
ابدع بتمثيل المحبه و هي مبدعه
البنت لا شافت المزيون زادت نديم
وحتى الولد بالقليل يحب له اربعه
الحال مؤسف وعظم الحب اصبح رميم
الي كسر من هنا و اللي هِنا يخلعه
اللي يشوف المحبه باب لجل الغريم
اللي يحبه زمان و ناوين يفجعه
و اللي يغير حبيبه كل ما هب النسيم
يشوف بالتغيير حاجه ممتعه
واللي كذا .. (استغفر الله العظيم)
يهين نفسه لجل شيء يتبعه
و انا بقناعه وهبنيها العزيز الحكيم
بعيد زرع الاماني دام باقي سعه
