لكوكب المريخ كوكب زحل قال
الأرض شافت بك مساكن وسيعه
هل تقبل العالم يخليك منزال؟
ويجرح تضاريسك ورسم الطبيعه
أجابه المريخ :لا ما اقبل الحال
مامنهم الاّ المشكلات الفظيعه
العالم الأرضي ولو الزمن طال
لا كوكبٍ غير البسيطه يطيعه
جنو على كوكبهم بكل الاشكال
يطول به صيفه ويقصر ربيعه
واليوم ناوين ايتحدّوني (ابطال)
غاوين مايدرون ناوين ضيعه
لو صوروني من ملايين الأميال
كلي جليد مْن الصخور المنيعه
أخي زحل:لو عندهم صدق الافعال
يمشون فوقي بس لحظه سريعه
رادارهم لو قمة الصنع شغّال
تهفو به الموجات هفوه شنيعه
والمركبه في مركز الجذب تجتال
والانطلاق الحر ماتستطيعه
والطاقم المخدوع ف الرحله اهتال
يحس من هول الحدث بالخديعه!!
