يا الموت مالك قلب وأن جيت تختال
السلام عليكم
شيء من أوراقي علها تروق لكم
حالي تبي تعرف عن الحال بالحال
اخذ الخبر والحال ماهو يسرك
لي خاطراً ضايق وبي حزن منهال
وانته على ماقيل لله درك
الغالي اللي غاب عني ولازال
كبدي عليه من الحسايف تحرك
يمرني طيفه وجريت موال
مع ونةٍ بالجوف ياقلب صبرك
يالموت مالك قلب وان جيت تختال
دون الخلايق عنه ما اكفيت شرك
وش لون طعت بنزعة الروح للغال
يالموت دونك عنه لا لايغرك
من حر مابي قمت اناجيك بهبال
مدري فقدت القلب والعقل أدرك
والا المصيبه فوق قدري والأحمال
من وين اجيب الصبر يارب سترك
