وطنيه

سلام ياللي كلنا فدوتً له
حامي حماء البيتين وارض الرساله
غيثً غسل صدر الثراء رحمةً له
من عدل رب العرش لرض العداله
ارض الزعيم إلي بعدله إجبله
ولافيه مصدر جود غير إنتماله
حلال فالاحداث ما كاد حله
القايد اللي كلنا في ظلاله
أعظم صفات الاوفياء في سجله
ووفاء زعيمً للوفاء ونتماله
ولبوفهد سلمان سيفً يسله
درع الوطن لامن تعزوة رجاله
لسند عليه أمرً وقف وحتمله
يدمغ بسيف الحق وجه الظلاله
فعيون عدوانه يغرس الأخله
بجيشً على الله نصرته وتكاله
أموالنا وأرواحنا فدوتً له
وحنا ومانملك لك الله فداله
لاشربكو حبل السياسه يحله
واليا تصعب موقفً قال اناله
واليا تكبر كل طاغي يذله
ويسوق لجل الشعب حاله وماله
هذا محمد من يحل بمحله
حفيد ابوتركي وسيف العداله
وحنا على وضح النقاء محزمً له
محزم فخر ماهوب محزم جهاله
كن النجوم المرقبه يوعزً له
من كل منبع طيب مارد حباله
ولي عهد وقايدً يمتثله
الحكم به ترسي رواسي جباله
يحى عزيز ودولته مستقله
ومعزته بكتاب رب الجلاله
طودً رساء بين الجبال المطله
نسل الملوك وله صفاتً الحاله
ساق القدم لعلا طموح إوصله
واليا عتزاء شعب الزعيم إعتزاله
روس ألأكابر لاوقف يطمنً له
ويمناه تعطي قبل تدري شماله
ما خاب شعبً قايده قدوتً له
وشعبً بلاقدوه كثير الجهاله
شف غيرنا من قايده وش حصله
كم شعب كان وكيف هلحين حاله
يزل حكام الدول ماتزله
مهما تقول أعداه ما ضاق باله
أهل الخبايا والهروج الممله
يبغون شين نيلته مستحاله
لشرار واجد بس الاخيار قله
وحنا الوفي منا يوصي عياله
على إسرتً تحكم بشرعً ومله
على التكاتف بالولا ونتقاله
إسرت وفاء من قادنا مانمله
منهم وفيهم ذا والاخر بداله
يقرا الرضاء بوجيهنا المسفهله
ونشعر بطيب الحظ من طيب فاله
العز يالسعود وانتم هلً له
في يد محمد والسعد في قباله
منه الامر نافذ بدقه وجله
نرخص له الارواح من حبناله
الجن والانس إرجفً وخضعاً له
عوق الخصيم اليا نوا الله زواله
والعدل له سيفً ومن ظاع دله
فصل الخطاب بشذرته وكتماله
كم حاكمً يسعاء وفعله يذله
وكم دوله أسائة لنا بالوكاله
ورسالتي .. له .. بيت اهلها تدله
وحنا نعرف انه على قد حاله
يموت لاهلة عليه الاهله
والنمل لاريش نوا الله زواله
لادين لا مذهب ولا قبلةً له
أقل من ذكره وطاري مجاله
ياللي تعرف العلم رح له وقله
يحسب على ألأمه وألأسلام عاله

غرابيل الظاهر معاد فيها احد

صح لسانك جزله من راس الجزل ..

الناس راحو في تويتر مابقي الا منازلهم عساها لسيل

صح لسانك يابن راجس
دائما مبدع كعادتك

رائعة كما روعة بنانك..

صح قلبك، وتسلم يا الطيب على ما نثرت وابدعت...

أختكم سود العيون