ياراكب اللي ياخذ الحزم مواج

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

ياراكب اللي ياخذ الحزم مواج= مواج دار وتاه في الغبتيني
يوم استشد الريح ترميه الامواج = أمواج بحريضرب الجالتيني
ضاري على قطع الفيافي وسجاج= سجاج بين الشرق والنقرتيني
محنوني كالقوس منعاج منهاج = مثل الهلال اللي ولد ليلتيني
والا كما سرحان مع فج الافجاج = والا الغزال اللي رمى مرتيني
يجفل ليا ماشاف ظل العصا ماج = راعيه ما يقدر يمد اليديني
كوره عقيلي مشترينه من الحاج = والميركة والخرج والغرتيني
ضرب عليه اليا سجا الليل وانساج = وزارت مراسيل الكرى كل عيني
خله مع الريعين والدرب مدهاج = والسيل مره ما مضى ساعتيني
واحرم بعمره واقطع الدرب منهاج = منهاج من يمشي على الفرقديني
تصبح بمكة حزة الصبح منباج = واسع وطف وصل لك ركعتيني
وانص الملوك اللي لهم نور وهاج = نور من المشرق الى القبلتيني
تلقى الوفود الهم كما وفد حجاج = يوم الثمان ومصعدين القريني
سلم عليهم واخرج الهرج مخراج = واعرف مقام الملك في الحالتيني
واخرج لهم خط طوى طي ديباج = هدية من باشة المحمليني
منظوم فيها ابيات من بحر عجاج= نظم الجواهر في سلوك اللجيني
يا عون يا سيدي وصلت انت فراج =وانا تراني عند سيدي الحسيني
حيث ان له عادة وله جود ثجاج = من معصرات الجد والوالديني
يا بن محمد يا غنى كل محتاج = ياعيد مديون تحمل بديني
خدامكم شفه من المال سيراج= والا فرنجيه لها جبدتيني
حتى يودي ذكرها كل هراج = واخبارها تاصل والعديني
وابدي لك البيضا عدد ريح الافواج= وتمشي ركاب المدح بينك وبيني
ويفرح صديقي والعدو صاده افلاج = من غبنها دمعة من العين عيني
وصلوا على من خصه الله بمعراج = محمد المختار جد الحسيني[/poem]