.,: التاريخ :,.

التاريخ


انت..يالتاريخ قـم بطـل لنـا بـاب.. الرصيـد

وضف على الامجاد مجد ..بحبر نور.. وحبر نار

وسجّل امجادٍ لبو مشعل ..علـى المجـد التليـد

واكتب انه ريف شعب.. ورجل عدل.. وعز دار

واكتب ان اسمه (حمد) له ميـزةٍ تخفـى البليـد

حتى عكسه من ..صفاته .. (دمح).. زلاتٍ كبار

واكتب ان المجد ..جد ..واكتب انـه لـه حفيـد

واكتب ان الجهل في عهده بـدى بـالاء حتظـار

واستعـدي يابـلاد الـعـز للفـجـر الجـديـد

فجـر حرّيّـات شعـبٍ حـل قيـد الاحتـكـار

في ذرى الاسلام يا..جعله علـى عـز.. ومديـد

انعمـي بالأمـن والايمـان فـي نفـس المسـار

وفي كنـف شيـخٍ ..بخطواتـه يّـدور للمزيـد

لين صرتي في عيون الناس ريضـان وخضـار

عيّـدي يـادار كـل ايامـنـا فـرحـه وعـيـد

والبسي ثوب التطور من تحـت بشـت الوقـار

واحتلـي دستورنـا الدايـم ..مثـل عقـد فريـد

بالتشاور بين شعـب الـدار واصحـاب القـرار

وفي عيون الحاسـد.. الله يجعـل ديـاره بعيـد

اكتبـي كلمـة ..قطر..بالنـار ونقطهـا شـرار

كـلً موافـق وبّينهـا كلام..او..فـي قصـيـد

اكتبـي يـوم الثلاثـا مثـل يــوم الانتـصـار

وفي النهار اللي مـا ينفـع فيـه ترديـد النشيـد

تلحضين الشعـب كّلـه جيـش لا ثـار الغبـار

البسينـا فـي اللـزوم سيـوف ودروعٍ حـديـد

كّلنـا مـن دون رايـة دارنـا حصـن وسـوار

الشعر...بين ...المسامع والقلوب اسرع ..بريـد

قلـت باوصّـل الاميـر اراء شعبـه بختصـار