عبدالعزيز

هاضة هواجيسي بروس النوايف
والمجد يغري والمواقف عضيمه
واليوم مالي في رجاها كلايف
ابغي وقوفي مايشابه عديمه
قدام زيزومن به العز شايف
نفرح بشوفه مثل شوف الوسيمه
عبدالعزيز بن سعود بن نايف
الاسم ثابت والفعايل مقيمه
الاسم الاول من معزي وصايف
وسعود ابوه وفعل جده نديمه
حرً شهر في كف نايف مضايف
على يمينه بالسنين القديمه
في مدرسة جده للافعال كايف
معه معه ماصد عنه لزيمه
خذا من افعاله ذرا كل خايف
وخذا من الهيبه مقام الصتيمه
وخذا من الرحمه دموعً ذرايف
ومن رحمته يمسح دموع اليتيمه
وخذا التواضع مايحب الكلايف
من جده احتل النوايا السليمه
هاذي فعول مطوعين العسايف
اخوان نوره بالفعايل كريمه
ياسيدي للمجد عندك ولايف
عظيم وتحب الفعول العظيمه
تستاهل المنصب وروس النوايف
المجد ساسك وانت دايم لزيمه
عبدالعزيز بن سعود بن نايف
الاسم ثابت والفعايل مقيمه