يارئيس الهلال أبشرك جبت لك عقد لكومباريه .. يالله بيع عقده بفائده ماليه وتعاقد مع مدرب أرخص منه عشان تستفيد ماديآ وتستثمر اموالك !

بسم الله الرحمن الرحيم


اولا لاعبين مثل /
عبدالله الزوري وماجد المرشدي ومحمد نامي وعبداللطيف الغنام وسعد الحارثي
لن تقوم له قائمه وأبشروا بالكوارث محليا واسيويا ..

ومن السبب في وجودهم في الهلال ..!؟
هي إدارة النادي .. وفكرها العقيم في إدارة النادي ..!


على طاري الاداره ..

من يريد من رئيس نادي الهلال تغيير المدرب
عليه ان يأتي بعقد للمدرب من احد الانديه وبشرط ان يكون عرض مادي قوي
عشان يبيع عقد المدرب ويأتي بمدرب اخر وبتكلفه ماديه اقل ..!

والا كيف سيكسب ماديا اذا لم يكن كذلك ..!؟

لكن يغير المدرب وينهي عقده كذا وبخسائر ماديه وشرط جزائي ..!
لا لا مستحيل حرام الخسائر وهدر المال ..!

هاتوا عرض للمدرب بقيمة عاليه وفائده ماديه كبيره
والا .. لا لا انسوا يتغير .. يبقى المدرب بكل عاهاته الفنيه

ولا نخسر فلوس والهلال ومستواه الفني وجمهوره في ستين داهيه

اهم شيئ مانخسر .. ونبيع ونشتري وبفايده
ونقلب الهلال مخطط اراضي جديد في العريجاء ..!

الهلال يخسر نقاط .. عادي
الهلال لا يؤدي بشكل صحيح .. عادي
الهلال من جرف لدحديره .. عادي
الهلال سيخسر كل شيئ هذ الموسم .. عادي


اهم شيئ مايخسر الهلال ماديا ..
اهم شيئ يستثمر رئيس النادي ويرجع الفلوس الي دفعها ..
اهم شيئ ان اللاعب الي يجيبه يرجع يبيع عقده بفائده ماليه ..
اهم شيئ فكر الاستثمار .. فكر مكاتب العقار .. جبنا بكذا وبعنا بكذا



عبث بالهلال وبتاريخ الهلال ..
عبث بكيان كبير جداً كالهلال ..
ضحك وكذب على جماهيرالهلال ..


هم يستفيدون من الهلال ولا يفيدونه ..
نعم يستفيدون الشهره والمال ..

كل مادفعه الامير سابقا وفي عهد رئاسته الاولى
جدد الان ليسترده .. ويخرج من النادي لا له ولا عليه ..


كفاكم عبث بالهلال وبتاريخ الهلال ..
وآخر ملاحظه وهي ملاحظه كبيره وسقطه من سقطات الإداره ..


كيف تسمح للمدافع ( عبدالقادر مانغان ) ان يرحل
قبل ان تأتي بمدافع اخر بديل له وجاهز للمشاركه ...! ؟

وهذا من اهم اسباب الخساره اليوم امام الاتفاق
نعم تعادل بطعم الخساره .. كيف لا والمرشدي يقول /
تحاملت على إصابتي ولم استطيع الضغط عليها وهذا سبب التعادل ..


هذا بخلاف المدرب المفلس كومباريه واصراركم على البقاء عليه
فتغييراته اليوم اهدت الاتفاق التعادل ..

فشاهدوا الفرق بين تغيرات مدرب الاتفاق التي غيرت وضع الفريق للأفضل
ومدرب هلالي مفلس تغييراته أضرت بالفريق كثيرا ..

فتغييره الكارثي بإخراج سلمان الفرج وسالم الدوسري
سلم وسط الملعب للاتفاق وسمح لأطراف الاتفاق بالتقدم
وتشكيل ضغط كبير على دفاع الهلال ..


فلابد من إقالة هذا المدرب الذي يعبث بالفريق
وتكليف مدرب الفريق الاولمبي ( زلاتكو ) بتدريب الفريق ..

قبل ان يضيع ماتبقى في المسابقات المحليه
وتقع الكوارث في دوري ابطال اسيا ..


فالعبث استمر .. والسكوت عليه جريمه
نعم أنا عاشق للهلال ولن اسكت على هذه الجرائم التي ترتكب
في حق الهلال وفي حق جماهيره .. بل عبث بتاريخه العظيم


وان استمرت الإداره على عنادها وعبثها بالفريق
فل ترحل غير مؤسوف عليها ..

الهلال ليس املاك خاصه لكم ولغيركم
الهلال كيان ملك جماهيره وعشاقه ..

كفاكم عبث بالهلال ..
فالاداره الحاليه ضيعت هيبة الهلال
وصغرت منه ومن تاريخه ومن شموخه وكبرياءه ..


أمامكم الان إصلاح هذا الخلل سريعا
او الرحيل ليأتي من يعيد الهلال لهيبته ولشموخه وكبرياءه


فالهلال غني برجاله ولن يقف عليكم يامن دمرتوا الهلال




ودمتم