جديد الأمير السامر // الثنا والولا تبديـه كـل الصـدور = لاسم سلطان ولفعله رفي
السلام عليكم ورحمة الله وبركاته
اليكم أحبتي جديد الشاعر الأمير / عبدالعزيز بن سعود " السامر"
وهي مرفوعة لمقام ولي العهد صاحب السمو الملكي الأمير سلطان بن عبدالعزيز
http://www.lebarmy.gov.lb/image.asp?id=12322
[poem=font="Simplified Arabic,5,darkred,bold,normal" bkcolor="transparent" bkimage="backgrounds/17.gif" border="inset,10,sienna" type=2 line=0 align=center use=ex num="0,black"]
طاب فال القصيد اللي قداه الشعـور = بالثنا للكريـم معـز قـدر الكـرام
سيّد الجود محي مجد كل العصـور = ثاقب النظره بعيد المـدى والمـرام
أبو خالد ملاذي في جميـع الأمـور = ضحكة حجاجه تبدد هموم وظـلام
نجدة المستغيث ويسر كل معسـور = كل طيب انقسم له منه راس السنـام
كل ما يذكر اسمه والمداخن تـدور = زادها طيب مع ما يتبعه من كـلام
الثنا والولا تبديـه كـل الصـدور = لاسم سلطان ولفعله رفيـع المقـام
من دجا ليل ياسه شاف سلطان نور = والفعول العظايم للرجـال العظـام
أنت نور يبشـر بالسعـد والحبـور = من تحوطه بعطفك طاب حظه وقام
أنت نارٍ على من فيه ظلـمٍ وجـور = ونار خصمك تحولها لبـرد وسـلام
أنت نظرتك عليا عن بريق القشور = مالك بغير جزلات الخصال اهتمـام
نهر جودك عليه الناس ورد وصدور = للمحاويج مدك مثـل وبـل الغمـام
بذرك الطيب وانعم في حصاد البذور = الولا والمحبه مـن جميـع الانـام
فيك ياسيدي شعري ماهوب معـذور = كان ما جا لكل الشعر صدرٍ وهـام
أمدحك حب ولا ما بحالي قصـور = بك يطيب القصيد وشاعره ما يـلام[/poem]
http://www.assamer.com/dewany/albumsp/4.jpg
الامير / عبدالعزيز بن سعود بن محمد آل سعود
