لا تدعون فرصه للمندسين للتفرقه بينكم ياشعب الإتحاد

بسم الله الرحمن الرحيم


السلام عليكم ورحمة الله وبركاته



بصراحه ما لي بالمقدمات نخش بالزبده


كثر الكلام وانقسم عشاق الاتحاد وطبعا الانقسام جاء بتخطيط من المندسين لهدف اشغال الجماهير الاتحاديه ببعض ونسيان دعم ومؤازره الفريق واللاعبين الشباب اللي هم مستقبل الاتحاد لكي لا يعود الفريق لمستوياته وابتعاده عن البطولات كحال النصر ..

طبعا الكابتن محمد نور جميع المدربين قالو انه سبب مشاكل للفريق طبعا ماصدقنا وقلنا لايمكن طيب تكلمو اللاعبين الشباب ومنهم هتان باهبري وبصراحه لا اتذكر ماقاله بالضبط بس كان يطالب بالزج باللاعبين الشباب وزعل بعض عشاق الاتحاد كيف يمكن للاعب شاب يطالب بالحلال ..

والادارة كانو مخططين لابعاد نور وممكن ماكانو ناوينه بوسط الموسم وممكن حاولو مع نور يعتزل بنهايه الموسم الحالي بس تصريح نور اللي قال فيه بدري عليكم اعتزل هو ممن عجل برحيله من الاتحاد ..


والفريدي ماله الا كم شهر وتصريحه بعد مباراة الاتحاد ونجران قال كان فيه اليوم انضباطيه داخل وخارج الملعب وكانو اللاعبين يطبقون ماطلب منهم المدرب وسئله المراسل وقال ليش تقول اليوم يعني قبل ماكان فيه انضباط قال الحين الانضباط اكثر ... الى اخر التصريح



على العموم ماودي ازيد بس كلمة اخيرة جمهور الكيان يحضر ويساند الكيان اما جمهور نور روحو ورى لاعبكم ..


واتمنى مساندة الادارة فهي بحاجه لانها جالسه تشتغل صح ..
واللي بيقول كيف تنسون لاعب حقق 21 بطولة احب ارد عليه واقول ما هو هو لحاله معه 11 لاعب ..


واسف على الاطاله واكرر لايفرقون بينكم المندسين وننسى الماضي ونفكر بالحاضر والحضور ثم الحضور يوم الخميس لدعم شبابنا بالمباراة القادمه امام نادي الشباب ..