ولدي مدمن كمبيوتر عطوني حل لهالمشكله

السلام عليكم ورحمة الله وبركاته
كيفكم جميعا يارب تكونوا بخير

بصراحه انا محتاجه حل لمشكلتي
ولدي الله يحفظه عمره ثلاث سنين ومدمن على الكمبيوتر لدرجه اني اناديه ومايرد علي

ياريت اللي عندها حل تساعدني
والله اني بديت اخاف عليه من كثر مايقعد على النت

ومشكورين مقدما

بالنسبة للنت هي مشكلة العصر ياسمورة

عليج بالتفتيش عن الأسباب اللي

جعلته يدمن كما تقولين ،،،

الحل هو تقسيم وقته وجلوسك معه لتلعبي معه

الحل سوف تضطرين أن تفصلي النت

عن المركز الأساسي في بيتكم ولا يعلم بأنك فصلتي

قولي له الاتصالات فصلوه لأن البابا هالشهر ماعنده فلوس كفاية

ماراح يقتنع ويعصب ولكن مع تكرار العملية سيضطر للخضوع

لأن النصح والمناصحة لا يترجمها الا العناد وان البيت

مايحبونه يلعب ،،،، سمورة انتبهي الألعاب الكمبيوترية يصاب

الطفل بامراض منها العصبية والصرع والقلق والوحدة وقد يصاب

الطفل بالتوحد اذا اختلى بنفسه دون اخوته ليلعب ع النت

فلذا كوني حذرة ويفصل النت عنه على اساس

ان الأمر طبيعي بعد ساعة او ساعتين

اذا أردتِ ساعتان يلعب

ابنج على النت او يمارس اللعب

في النت ،،، ان شاء استفدت أعطيتج السبب والحل
الأمثل أتمنى ان يتعالج بسرعة لأن الحل

طبقته على يهال الأسرة ونجح 100%

طمنيني سمورة بعدين مع السلامة


****

ربي يحفظه ويخليه لكـ سمورة..


صغير ع الادمان.. :(


همس الروح ماقصّرت..


وأنا أقولكـ أقنعيه بوقت مخصص تدخلين أنتي واياه سوا.. أنتي تشوفين شغلكـ وهو يسوي اللي يبي.. يعني نقول ساعة

بعدها سكري جهازك واجلسي معاه لو شوي بس تنسّينه..


وإذا مايكفيكـ الوقت كملي شغلكـ اذا نام..

أهم شيء مايشوفكم ع الأجهزة دايم..


ومسألة انه مايرد عليكـ.. أنتي أدرى بولدكـ لكن يمكن يكون طبعه كذا إذا انسجم مع شيء معاد يسمع.. تحصل كثيير مع الصغار.. :)



أتمنّى أكون أفدتكـ :)



تحيتيـ

وعليكم السلام ورحمة الله وبركاته

ياقلبي 3 سنوات :احبكم: صغييير حيييل

ماقصروا خواتي فووق ْ

شوفي سمورة .. انصحك تحددين له وقت محدد للجلسة على اللاب .. يعني ساعة بالكثييير ..

واذا انت عارفة ان ولدك عنيد وماراح يوافق على هالشرط .. اخذي واير الشاحن وهو مايدري وخبيه عنه

لان الكمبيوتر بيضره لو طوّل عليه .. او انت اللي من نفسك اللي تتحكمين بالجهاز ..يعني تجيبينه له متى ماتبين

وتاخذينه وقت ماتبين ..

اومثل ماقالت همس تفصلين النت عنه ..


بس حاولي تستغلين هالفرصه وحبه للكمبيوتر تحطين له برامج مفيدة تعليم الحروف او الارقام او حفظ القران (رب ضارة نافعة)

والله يخليلس اياه ~.

موفقة }

هلا قليبي

ربي يحفظه لك ويقر عينك بصلاحه

اقول الحل ادخليه انديه رياضيه واعمال جسمانيه

سباحة ركوب دراجه اشغليه بها عن النت


وبعدين هالشقي وش عنده عالنت بهالعمر ان كان على العاب تعليميه حلو بس قللي مدة تواجده عليها وخليه يحفظ القران عن طريق النت وكذا الشعر


اذا كبر سنة بحول الله باكون صديقته :)

الله يحفظه ويخليه لك

بدري عليه الادمان وعمره صغير على عالم النت

سموورة
البنات ماقصرن بالتوجيهات الله يعافيهن

الله ييسر امرك وتنحل المشكلة بان الله تعالى

الله يخليه لك ويحفظه من كل شر
حبيبتي سموره يمكن الولد عنده فرااااغ كبير
ويمكن بعد انتي كنتي الي لفتي انتبهه على الكمبيوتر اذا كنتي تجلسينه معك ع الاب وتشغلين له العاب
علشان كذا ادمن الولد عليه
حولي تشيلين الاب
وتفرغين نفسك له تلعبن معه بقدر الامكان
ويمكن ولدك يحب الاشياء الي تعتمد على التركيز حاولي تكون الالعاب الي تجيبينها له مناسبه لموهبتها
الله يحفظه لك وتقر عينك فيه وتشوفينه من علماء المسلمين بإذن الله

تحياااااااتي

حبيباتي والله مدري وشلون أشكركم
الله لا يخليني منكم يارب
بصراحه نصايحكم على العين والراس وان شاءالله اني راح انفذهاااا من اليوووم
والله يعيني على العصبيه والزعل تبع ولدي لكن راح اصبر وأتحمله
لانه تأثر واجد بالالعاب مثل ماقالت الاخت همس صار عصبي ومعاد يحب يخرج من البيت مع انه سابقا بالعكس اول مايشوفني لابسه العبايه ينجن يبي يخرج معي واذا شاف ابو ه لابس تلاقينه يسبقه لعند الباب لكن من تعود على النت خلاص صرت اخرج من قدامه ولا يتكلم او يقول اي شئ الا بالعكس يبي يجلس بالبيت
لكن راح افرغ له نفسي شوي واحاول اني اشغل وقت فراغه
الله يسعدكم يارب ويبارك فيكم ويخليكم
فديتكم :girl_dance:
عن جد استفدت من افكاركم
لا خلا ولاعدم

الله يعطيك العافية على الموضوع المفيد