بنات شفتوا مستشفى لندن شسوى موضج وصج تتوقعون هوالة حريم "قصتهآ" ..؟

ص / م الخير...

بنات بدخل بالموضوع دوغري على قولة اخوانا..

هاذي الله يسلمكم حماة رفيجتي راحت لمستشفى لندن عندها مراجعه وشافت دكتورتها سوفيت "اللي يمدحونها" وقالت لها قبل تسوي سونار او تخطيط او فحص مهبلي قبل كل شي قالت فلانه انتي دخلتي شهرج من عشر ايام لو تبين اولدج اولدج الحين البنت سكتت ماقالت شي مع ان هاذي ثاني ولاده لها عند سوفيت .. المووهم والبنت ساكته ماردت عليها لانها ماتحس بشي لا بطلوق ولا بالم ولااي شي.. جان تقولها الدكتوره تعالي اسويلج سونار سوت لها سونار قالت لها اوكي كل شي اوكي بس احتياط بسويلج تخطيط بشوف البنت هم ماقالت شي قالت اوكي سوت التخطيط قالت فلانه فيه طلق خفيييف بسويلج فحص البنت خافت شنو يعني بولد قالت نشوف الفحص فحصتها جان تقولها مفتوح 2 سانتي يالله سوي دخول " عبالكم البنت قالت بروح وبرجع ولاشي سمعت كلام الدكتوره سوفيت وصعدت للجناح جتها الدكتوره بعد ربع ساعه وحطت لها كريم داخل وعطتها تحميله تقول البنت مافي الم شوووفو هالكلام الساعه 7 الصبح وتقول انا منسدحه وزهقانه ما احس بشي لدرجة انها فكرت تطلع من المستشفى تشوف بنتها وترجع ودقت على السستر وقالت لها كلمتها السستر بنفسيه وقالت اشوف الدكتوره واردلج خبر وشوي جتها السستر وقالت دكتوره قالت ممنوع خروج انتي فيه حطيه تحميله قبل شوي وركبت لها مغذي وحطت فيه ابره نامت البنت من بعد المغذي وبعدها بساعتين قعدت على الساعه 9 ونص الصبح وتقول هم بعد ما احس بشي جتها سوفيت وقالت لها فلانه تحسين قالت لا وسوت لها نفس الحركه حطت كريم وتحميله وقالت انا بروح انتهى دوامي لاني كان عندي دوام بالليل طواري قالت اخاف اولد وانتي مو هني قالت لا انا سوي تلفون يجي وبعدين مافي خوف فيه دكتوره ايفا ودكتوره جين " الفلبينيه" قالت البنت اوكي وراحت سوفيت ومر الوقت وهي زهقانه يانايمه يا تطالع التي في وتقول لدرجة اهلي فقدوني ودقو علي قلت مشغوله مع زوجي المهم وبنتها عند اخت زوجها حتى ام زوجها ماعلمتها اهي بالمستشفى لان معها ضغط وسكر مره عوده وتقول جت الساعه 3 العصر فحصتني قالت 3 سانتي وعطوها ابرة الشرج وبعدها قالو لها امشي بالغرفه لاتقعدين امشي تقول امشي وما احس بشي وامشي وارجع اريح ودخلت ايفا قالت هاه فلانه شلونج تقول قلت لها ما احس بشي وهي تتكلم مع ايفا جا الم خفيف مو حيل وتقول قلت اتصلو على سوفيت خلوها تجي قالت شوي ويبدا دوام سوفيت وتجي ورجعت تتمشى والالم خفيف يروح ويرد وصعدت سوفيت لها قالت هاه شنو تحسين فيه قالت الم يروح ويجي بس خفيف قالت تعالي بسوي تخطيط وسوت قالت شلون غريبه هاذي ثاني تحميله وللحين طلق خفيف والبنت وصت الدكتوره انها ماتبي تحس بالولاده وسالتها اذا عندكم ابرة وريد او منومه ماتحس بشي قالت ايه عندنا وبحط لج كمام وابره وماتحسين ووصتها على الخياط التجميلي وقالت لها ماتحتاجين البنت اصرت قالت اوكي بسويلج ,, وهالكلام الحين الساعه 11 بالليل وتقول نزلت الدكتوره من هني وذبحني الالم من هني تقول اصرخ واطق الجرس وجت السستر تقول قلت لها انا ولاده خلاص وراحت السستر دقت على سوفيت تتوقعون شسوت سوفيت ماجتها بسرعه والبنت فوق بالجناح وتقول تاخرت احس روحي بتطلع مره تصرخ ومره تبجي وجتها الدكتوره جين مو سوفيت سوفيت اختفت يمكن راحت تولد احد ماتدري ماجت جت جين فحصتها قالت يلا ولاده تقول بنفسيه ومتقرفه من يدها لان لما فحصتها كان بيد جين دم وتقول وانا اطلق قلت لها جم مفتوح جان تقول بنفسيه 5ونزلوها تحت وحطوها بالسرير " بغرف الولاده مو الجناح" وتقول اصرخ اقول وين سوفيت خلوها تعطيني ابره بموت من الالم قالت لها جين ابرة شنو قالت مابي احس بالولاده قالت مافي الا ابرة ظهر وكمام قالت لاسوفيت قالت لي فيه ابرة وريد قالت مو موجوده كانت موجوده بس الحين مو موجوده قالت ليش مو موجوده وهي تصرخ راحت وخلتها جين وتقول عندي سستر ركبت لي مغذي مره ثانيه وحطت فيه ابره تقول مانمت من الالم مو مثل يوم كنت بالجناج تقول اصرخ اول مره يطلع صوتي وعطتها السستر كمام تقول شميته دخت احس بالالم وكل شي قصدها الطلوق بس تقول الكمام شنو دوخني اشوف ظلام ومع هذا احس وصدعت من الكمام يعني الم طلوق وضيق تنفس ودوخه من الكمام وتقول استفرغت من كمامهم ماكان جذي يوم ولدت بنتها ببنتها ماحست بشي كانت نايمه صحت وهي والده ومخلصه منومينها تقول تغيروا حيل الموووهم نرجع تقول قطيت الكمام والسستر تقولي ماما اخذي كمام زين والبنت مو معاها مره تستفرغ ومره تصرخ وتناقز مثل المجنونه من الالم وما معها احد شوي خف الطلق فيه الالم بس خفيفه على فكره تقول خف من الله مو منهم هم ماسو لها شي غير الكمام وهي قطته دوخها وتقول وانا منسدحه اطالع الدريشه الا اشوف الشمس بتطلع قالت لاشعوريا يارب يارب هونها علي يارب ارحمني يارب وتشوف السستر تحوس بالغرفه ومعها اوراق ومره تشرب جاي المهم رجع الالم لها وتصرخ وتقول بعدين استوعبت ليه اصرخ بوفر صراخي للدفع ولقت نفسها تدفع لاشعوريا والستتر شافتها جان تقول لا ماما لاتدفعين البيبي بيطلع انا يشوف راس بيبي لا يدفع وتتصل على الدكتوره سوفيت وتجي ركض وتلبس على طول قفازاتها وتشوف قالت يلا بيبي بيطلع وتعطيها الكمام السستر تقول حطت لي الكمام دخت ماقدرت ما اسمع كل شي سيء صار فيها تقول قل دفعي وانزل الكمام والسستر ترفعه وتحطه لي والدكتوره تقولها يلا بوش اقوى انا يشوف راس بيبي يشوف راس وتقول نزلت الكمام وصرخت على السستر قلت ما ابيه وتقول قربت بنص السرير يعني ظهرها بعيده عنه حديدة السرير وتقول قعدت اسوي دفع لحالي جني بصحرا ولدت روحي الدكتوره ماساعدتني ولا السستر ولا كمامهم من الله بس وتقول ظهري ماسندته على السرير تخيلو انتم بنص السرير ويدينها كل وحده على جنب السرير متمسكه وتدفع لين طلع البيبيتقول سبحان الله يوم طلع بسرعه طلع رحمه من الله وتقول بس حسيت روحي طلعت ولاشعويا طاحت منهد حيلها وتقول كنت ابي مااااي عطشانه احس من زمان ماشربت وشوي جا دكتورين اخذو الطفل وطقوه وطلع صوته وجا واحد وحطي ابره بالمغذي وبعدها نامت بس هاذي قصتها بس نامت بعد شنو بعد التعب وينهم ماعطوها ابره من اول ليش تقولها سوفيت ايه فيه وبعطيج وبعدين جين تقول مافيه..

هاذي كل قصتها واللي جربت الولاده فيه هالسنه او قبل شهر واحد يعني على 12 و11 تقولنا صج ولا لا,, لاني مفكره اولد فيه وعند سوفيت بعد بس خوفتني قصتها ...