شيخ الشيوخ اللي يقصون النحور .

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحه بين الهموم وبين ضيقات الصدور=تحدني بعض الظروف اللي عجزت احولها
وانا سواليفي مع العالم ترى نقطه عبور=والكلمه اللي تخنق الخافق عجزت اقولها
ويوم أنتخى نسل الشيوخ اللي يقصون النحور=ثم أرتكى وأرخى المتون وشالها بحمولها
هذاك ( أبن هذال ) تاج الطيب من مر العصور=شيخ الشيوخ اللي على الطاله تعن خيولها
من عادته ما يظهر الا في مقدمة اﻟﺣﻀور=ومن هيبته بعض العرب تمشي تجر ذيولها
جيته وأنا لا شك جيت وقلت مافيه مخبور=ولا همني بعض الوجيه اللي تطق طبولها
قال أزهل الموضوع يانواف وأبشر بالسرور=يالشمري مافيه عقده ماتجي بحلولها
أما تجي بالطيب والنخـوات والصـوت الجهور=ولا تجينا غصب يانواف عن محصولها
رح بشر الشايب عن اللي صار مابين السطور=والارض ماضاقت عليك بعرضها مع طولها
قلت أسمع أسمع يابعد منهم يحبون الظهور=تسعى بطيبك والعرب به محصولها يسعولها
وأنا لو أني ما كتبتك بالشعر ماني معذور=ولا مشيت القاع بين هضابها وسهولها
[/poem]