شخص واحد ما كتبت الشعر فيه !
السلام عليكم
تحية طيبه و بعد ؛
اعتذر عن انقطاعي لضروف السفر خارج المملكه
واعود لكم بقصيده في تاج راسي ابوي
الشيخ ساير بن نايف العوني المطيري
هو شخص واحد ما كتبت الشعر فيه
ولا اظن الشعر يوفيه حقه
لو اكتب الديوان ب اجزل معانيه
وقريت ديواني ابرجع واشقه
لاني اعرف ابيات شعري ما توفيه
لو كان كل الشعر عندي مطقه
هو تاج راسي وافتخر دوم واطريه
يفداه كل الكون غربه وشرقه
فيه الصفات الوافيه ما تخليه
جمايله في كل حين و طرقه
الطيب والله يا علي انخلق فيه
هو مالكن الطيب جله ودقه
يشوش راسي كل ما حل طاريه
و اسمي قبل اسمه وانا مستحقه
اخوكم :
رائد ساير العوني المطيري
