يا شمس جده لا يصيبك كسوفي
[poem=font="Simplified Arabic,7,black,bold,normal" bkcolor="transparent" bkimage="" border="inset,4,gray" type=2 line=0 align=center use=ex num="0,black"]
يااللي كتبت من اجل عينه حروفي=وش بك على هجر الذي دللك عجل
ارحم خفوق يرتعد وسط جوفي=سامح على شان الغلى واجمع الشمل
الله يغفر الذنب والله يروفي=حلمك علي يا سيد الحلم والعدل
اخطيت لكن وش تفيد الحسوفي=قلبك كبير ويدفعك راقي الاصل
انت الغرام ومهجتي وانت شوفي=وانت الغلى والروح والحب والخل
تدري احبك مانت ناقص حلوفي=وادري معي ضحيت با القول والفعل
اخاف لامن ضعت ضاعت هنوفي=ويقال لك يا بنت ما طعتي العذل
وتشمت بنا العذال يا خوف خوفي=الفتنه اقسى يا الحبيبه من القتل
ومن عقب ماني باولات الصفوفي=اصير عند احبابنا مثل ابو جهل
وتضرب ورانا مزعجات الدفوفي=ومثل النعامه ندفن الراس با الرمل
وعقب الغلى نبدأ نحب الكتوفي=ومن عقب صاف الود نشرب من الحثل
يا شمس جده لا يصيبك كسوفي=اللي يعقد الحبل ما يقطع الحبل
من (عزه ) الخفاق تعلم ظروفي=ومن تملك الوجدان بعده مهو سهل
تدرين بك عندي على الناس نوفي=ارضي علي تكفين يا قمة النبل[/poem]
