بعد ان تلقيت دعوة كريمة للإنضمام إلى غرابيل وعمالقتها الكبار أتيت ملبيا للدعوة وكلي شرف بأن انضم إلى هذا الصرح الشامخ واسمحو لي ان اصافح ابداعاتكم بهذه القصيدة والتي اتمنى ان ترتقي لذائقتكم
"
"
"
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دمعه وجرعة غبون ونكسـة الهمـه = ذي حالتي ..حالتي من جور الاْيامـي
ولوعه وروعه وغمّـه تتلـو الغمّـه = وطعنه ولعنه وحـظ ٍ طـاح ماقامـي
بالله يالمـوت تكفـى خافقـي ضمّـه = يمكن بوسط القبر تنسينـي أوهامـي
كـم كانـت أحلامنـا وآمالنـا جمّـه = وياما رجينا أللقّا في شرع الإسلامـي
وأتذكّر أنها تقول إن جـا ولـد سمّـه = قالت وانأ قلت واجمعنا على سامـي!!
وسافرت سبع السنين ابحث عن القمّـه = اطوي شراع الزمن والشـوق قداّمـي
أباعود وابني عمـار الـدار وآتمّـه = وأبهّر ادلال ضيفـي واروي الظامـي
وافرح بيـوم اللقّـا والنـاس ملتمـه = وانسى جروح السنين ونزفي الدامـي
جيت الديّار ولقيت الكـل فـي همّـه = والدار منهـا بقايـا مثـل الاحلآمـي
جيت ولقيت فغيابي من شـرى الذمّـه = والورد باعوه ميّت جـوف الاكمامـي
على العنا نام وأتوسـد طـرف كمّـه = يوهمهم النـوم والمجـروح مانامـي
سألت وين الدروب اللّـي بهـا لمّـه = حتى هـل الطّيـب ردّوا رد بعدامـي
ولقيت من لا عرف طعم الحيـا فمّـه = واللّي عن ألطيبـه مقفـى ومتعامـي
رحلت وأقفيت والملتـاع فـي دمّـه = تشعل براكين فـي الخفّـاق وآلامـي
ولقيتها بعـد غربـه فحـال منسمّـه = سرت أحترق واحتضر وآعض فبهامي
وأسرعت اباقول عهد الحـب بنتمّـه = أربع ثواني ... وجتني رمية الراّمي!!!
من خلفها صاح طفل وقـال (يايُمّـه) = ودموعها سايله قالت هـلا سامـي!؟
شالت ولدهـا وهـي تغليـه وتزمّـه = وانا فلحظة جنون استرجـع اياّمـي
وأقول عيش القهـر ياطالـب القمّـه = مستقبلك ضاع وش تنفعك الاقلامـي!! [/poem]
ملحوظة / هذه القصيدة اذيعت بالبرنامج الثاني بإذاعة جدة
تقبلوا ودي واحترامي
