بعد الغياب الطويل نعوود ((( بالالفيه ))
مساكم الله بالخير وصبحكم الله بالخير
بعد الغياب الطويل عن منتداي منتدى غرابيل وانقطاعي عن احبتي في هذا المنتدى الشامخ
لظرووف عاطفيه وظروف عزوبيه اعود اليكم بهذه القصيده المتواضعه وارجوو ان تحوز على رضاكم
الالـــفــيــه
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الــفٍ ابــهديـلــك سـلام وتـــحـيـات = يا بوسعد اوقصتي وسط الابيات
ابــشــتــكــيــلـك حـالتـي والمعانات = يا بوسـعـد يـمـكن تـحـل القضـية
والبــا بــصــدري شــي ودي اقـوله = يا بوسـعـد يـمـكن تـلاقـي حـلوله
الزين انا ازريـت ارضــي مـيــولـه = وازريـت الاقـي عـنـدها عـاطفيه
والتا تراني مخلـصله ولا اخـطـيـت = اوبـانيله وســط قـلبـي مـيـت بيت
طيفه بعيني كل مااصبحت وامسيت = دايـم بوسـط الـعـين صبح وعشيه
والثـا ثـمـان اسـنـيـن احـبـه ولاكن = طـبـعه تـغـير واصـبح اليوم داكن
من عـقـب مـاكـنـا سـوى بالمسـاكن = قـام يـتــغـلا عـقـب فــرقـا خـويـه
والـجـيـم جـيـت الـزين ارد السلاما = وبـسـئـلـه بـالله لـيـه الـخــصـامـا
وقـــال مــابــيـنـي وبـيـنك كــلامــا = نـسـا الـغـلا والـحب والـمـقـدريـه
والحـا حـرام اللـي يـسـويـه فـيـنــي = نـسـى اللـذي بـالامس بـينه وبيني
نـسـى الـطـفـوله يـوم اجـيه ويجيني = اخـطى عـلي يا كبرها من الخطيه
والـخـا خـلاص الزين لايمكن انساه = وحـبه زرعـه ابـداخل الـقلب بيداه
واسـمـه نـقــشـه بـوسـط قلبي بيمناه = احــبــها والـحــب بــلــوىًٍ قـويــه
والــدا درست الحب كله عشانه = وضـحـيـت لــه والحب هذا زمانه
واخــاف يـجـزأ التـضحيه بالخيانه = ويجزا احـسـان الـحـب مـنـه بسيه
والذال ذكـــره كــل مـااوحـيـته اقــوم = من جلستي لوكان عـيـنـي بــها نـوم
واسج مع طيفـه واطـيـربـه واحـوم = اسج مــع طـيـف الـحّـبـيـب شويه
والرا رثيت الحال مما جـرالــــي = يابو سعد رثيـت حــالــي بــحــالي
وابكي على اللي بالهوى ما صفالي = حسبــي عـلـيـه الله صـافـي الـثـنـيـه
والزا زعل ولارضـــي مـغــرمٍ فيــه = ولــو يـنــشرى بـالـمال والله لشريه
وابنتظر يمكن عسى الرب يهديه = الله عظيم الشان رب البريه
والسين سلمته حياتي وروحي = وسلمتله قلبي كثير الجروحي
وانا احسبنه لي مطيع ونصوحي = واليوم مدري وش تغير عليه
والشين شلت اقاربه فوق راسي = ونسيت لجله كل ربعي وناسي
ولجل العيون السود مازلت اقاسي = واحبهم ياناس لجل البنيه
والصاد صدري من هوى خاطري ضاق = وحبه بزود وبعده ارهقني ارهاق
منساه لين الساق تلتف بالساق = ولا توافيني حياض المنيه
والظا ظلمني جعل ربي حسيبه = وانا احسبني قبل هذا حبيبه
لا واعذاب اللي عيونك تصيبه = لا مايفكر فالحياه الهنيه
والطا طريق الحب يابو سعد طال = مع واحداً خده سطع من ورى الشال
لجله اغني اخر الليل موال = اغني اهجوسي على السامريه
والضاد ضاق الصدر يالله اسيلك = ابشتكي لله ثم اشتكيلك
يابو سعد تكفا تراني دخيلك = انا دخيلك وانت راع الحميه
والعين عيت صورته لاتغير = من وسط قلبي لو تكابر يسير
منساه لين الذيب يصبح حوير = ولا العريف يصير قايد سريه
والغا غلاها في عروقي ودمي = وان شفتها اسبح واكبر واسمي
لابنت خالي لا ولا بنت عمي = ولافيه فالعربان واحد حليه
والفا فوادي والهوى والغلا له = وخلوه في قلبي حلاله لحاله
ولا فيه في هالكون شي استحاله = مادام انا ثابت على الجاذبيه
والقاف قولوه ترا الموت قافيه = عشان يرحم من تعلق بياديه
قالو تحبه صدق من جد قلت ايه = عطوه عيني لجل عينه هديه
والكاف كاننه يباني اكبه = والله ليبطي والمعنى يحبه
ومادام نور العين ماخاف ربه = الله يعوضني بداله بزيه
واللام لو ان المهر يطلبونه تسعه = وتسعين الف لايرخصونه
انا اشهد ان المال فدوة عيونه = واللي يبيه ايجيه مني عطيه
والميم مدري كيف اوصف غلاها = عجزت الاقي وصف في مستواها
ينساني الله كان قلبي نساها = الله بحبه قد بلاني بليه
والنون نور العين قام يتغلا = مايدري انه من تغلا يخلا
انا اتعذب والغرام يتسلا = لا والله الا طولت هالقضيه
والها هدم بيت الغلا اللي بنيته = وصد وتناساني وان مانسيته
وحلفت ياهلقلب ليصير بيته = والله ليصير لبيت صاف الثنيه
والواو والله لو لحقني ملامه = لاشك قلبي دالهٍ في غرامه
انتي منا قلبي وغايت مرامه = ولابه خوي وافي تناسا خويه
واليا ياليت احروفنا تكفي الشرح = هذا بعض واللي خفا اكثر من الطرح
وسلام مني عد مايبري الجرح = لبو سعد مني سلام وتحيه [/poem]
