][ قصائد الجولة الرابعة ][
[align=center]
السلام عليكم
ـــــــــــــــــــــــــ ــــــ
هذه الجولة مبنيّة على البيتين التاليين :
[poem=font="Simplified Arabic,5,orangered,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون لي عليا نشـاشٍ دقاقـةٍ=وانا اقول رويانٍ من الحال عودها
الى وقفت دق العسيلي بخصرهـا=والى دنقـت مـارده الا نهودهـا [/poem]
وجاءت المشاركات كـ التالي
القصيدة الأولى
رقم ((1))
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وإلا منها جت تسحب خطاه مقبلـه=عنودٍ فـزوزٍ .. تستعـد لشرودهـا
والا اقفت تمايل كنها مشـي مهـرة=جموح تفك اقدامهـا مـن قيودهـا
ربا عشق عليا وسط قلبي من الصبا=صغيـرٍ وانـوخ للمحبـه قعودهـا
تغلغل غلاها داخل القلب واستـوى=شربته ونفسي بيحت في سدودهـا
تمكن واذا مازاد بالقلب .. مانقـص=يزود الغلا لازودت فـي صدودهـا
عذولي عسى قلبه من الحب يبتلـى=إلين السهر يحرم عيونـه رقودهـا
تهاب الرجال العشق وتداري الهوى=لأنه يذل سباعهـا قبـل اسودهـا[/poem]
[p5s][/p5s]
القصيدة الثانية
رقم ((2))
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ويا برْيُ حالي من غزالٍ شبيهُها=لعبّي غلاها كُل ماهبّ نودها
مثل لعبت الشطرنجِ عندَ الأكابرِ=إذا دارت الشطرنج عندَ جنودها
بِها لبةٌ بيضاءُ والطولُ فارعٌ=لكنّ الحمارْ يزودْ عندَ خدودها
بِها من حلا عليا كثيراً ولكنْ=عيونُ المها الشاردْ من أسبابْ زودها
بَنْت في أوسطِ القلبِ المتيمِ منزلاً=تعلاّ على بُرجِ العُليّا عمودها
تعودُ وتغدو في خفوقي لوحدِها=سبتني وجافتني وخانتني عهودها
وألا يالوعةَ الخفاقِ المولّعِ حُبها=غزالٌ عن الميعادِ طالَ شرودها [/poem]
[p5s][/p5s]
القصيدة الثالثة
رقم (( 3 ))
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تغطّي على كلّ الحلا في زمانها=ونور القمر..يخجل يجي في وجودها
لها جادلٍ مسْدل..كما الليل لا دنى=ليا خصرها..ما قصّرت من جعودها
عيونٍ تموّت من نظَرْها من الملا=وتقْبُرْك في بسمة و غمزة خدودها
ويدْها ليا ناشت يدَي ثمّ صافَحَت=تقول انّ روحي مطلَقَة من قيودها
ورشفة شِفاها..كلما جيت وارتوي=تضيْع المناهل..عند صافي عدودها
غزالٍ قنصْته شوق..غصبٍ على الظبا=وحرّمْت فوق الأرض بعده صيودها
لها الحق تزهى قايدة ساير المها=وتاقف لها نفسي..وتحمى حدودها[/poem]
-----
وبالتوفيق لـ الجميع
ـــــــــــــــــــــــــ ــــــ
أخوكـ/خالد
[/align]
