ياطير وين الدياراللي تروح الها
[align=center]شئ مما يختلج في الصدر عن البعد عن الاهل والاولاد
اليكم هذه المتواضعة والتي اتمنى ان تنال على اعجابكم واستحسانكم[/align].......
[poem=font="Simplified Arabic,6,red,normal,normal" bkcolor="limegreen" bkimage="backgrounds/21.gif" border="double,4,red" type=2 line=0 align=center use=ex num="0,black"]
يا طير و ين الديار اللي تروح الها = برسلك يم أهلي وربعي والاخواني
بكتب لك ارسالتي تكـفى توصـلها = تكـفـى دخيلك توّصلها على شاني
لاجيت للطايف ارض القيم تنزلها = سلّم على قبر ابوي الطيّب الحاني
واصل على الطايف ورحلتك واصلها = وتلقى بها اللي لها المعبود وصاني
سلّم على امي عسى عمري فداة الها = اللي غـلاها يرجّـح كــل ميزاني
يالله دعيــتك وانا راجـيك اتقـبـلـها = تكتب لها العافـية من سقم الابداني
وســـلّم علـى اخواني بردية اولــــها = لبو ريمـاس ومع ريمـاس ريمـاني
وابـو مــرام افـتـبـوك الله يـعـدّلـها = على النـقا والوفـا والطيـب لـلعـانـي
وابــو منـار الاخـــوّة مـا يـبـدّلـها = وافـي وعنـا يـنوب افــكل مـيدانـي
والدحـمي اللي وصـاتي لا تزّهـلـها = انا اشـهد انه خـوي الجـنب ذيبـاني
يا طـير تـكـفى جـمـايلكـم تـكـملّها = عرّج على جدّة( ال) بيتي وخلاني
ورسالتي لا وصلت البيت سـلّمها = عريبة الأصل من خال(ن) وجـدّاني
شريـكة العـمـر والله ما يمـاثـلـها = عندي بشر كائناً في الكون ما كـاني
وامجاد نور العيون القلب منزلها = ودحمي وعزوز انا بالحـيل ولهـاني
يا طـير تكـفى الرسـالة لا تهّـملها = تكفى دخيـلك توّصـلها على شـاني[/poem]
[align=center]وســــــــلامتكم.. ....[/align]
