غثيت قلبي يا الحمام الشادي
[poem=font="Simplified Arabic,4,black,normal,normal" bkcolor="transparent" bkimage="backgrounds/18.gif" border="groove,4,gray" type=2 line=0 align=center use=ex num="0,black"]
غثيت قلبي يا الحمام الشادي =***وش لك على همي تجر الحونه
رجيت ما بين الضلوع فوادي=***يقضت جمر خامد من بونه
ذكرني بحب الصبا في بلادي=***رجعتني عمر أنتهى بشجونه
واللي تركني في ضفاف الوادي =***قفى وأنا بعده أجاسي طعونه
لوهب من صوبه هبوب النادي=.***أسال عنه ريح الصبا وش لونه
وش لون ذاك اللي هجرنا غادي=.***يا عـل داره بالعشب مزفونه
روحي وقلبي والحشا وفوادي=***فدوه لأجل خاطر جمال عيونه
أبو خديد في وجنته ورادي=.***الموت الأحمر بالهذب وجفونه
بفراقهم عشت العمر بأنكادي =***بقلب (ن) جريح ومهجةٍ مغبونه
يغفي المريح بتكيه ووسادي =.***وأسهر وليلي بي يجن جنونه
كل الأماكن معلنات أحدادي=***عمية المساكن مظلمة من دونه
حتى الدروب اللي مشاها تنادي=.***وينه حبيب كان لك يطرونه
وألقى خياله واقف بمرصادي=*** وأذكره وأرجع وأجر الحونه
وأصبح على صوت الحمام الشادي =.*** وأمسي وعيني بالدمع مهتونه [/poem]
