لاتقولي بس يكفي لاتكمل ياعطيه
كما هي اتركها لكم
متواضعه لاتصل الى ذائقتكم ولكن تقبلوها
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
مو غريبه اني ابكي في حياتي يابنيه=دام هذي نعمة الله احمد الله لابكيت
الغريب ان الجروح صارت اشبه بالهديه= وان طعناتك عذابي واني ماعمري شكيت
لين صرت اشكي دموعي للحروف الأبجديه=قلت يمكن تحتضني بالشعر لو بس بيت
وقمت اسطر من دموعي للبشر اكبر قضيه=قصة العاشق لعاشق بس ماعمري حكيت
واحد يرخص حياته يمتطي ظهر المنيه=كل هذا لاجل عينك يابعد عمري عنيت
جيت وافي جيت صادق جيت في قلبي ابيه=جيت مخلص في غلاي مفتخر بك يوم جيت
حب قيس وجود حاتم والوفا فيني حميه=لو تقولي ياعساك الموت قلت أنا الفين ليت
احسبنك قد حبي احسبنك لي وفيه=ماتوقعتك تخوني والله اني ماهقيت
والبلا ان المحبه داخلي صارت قويه=تعسف القلب المتيم يوم حبيت وهويت
ودي ابعد ودي انسى بس ماهو في يديه=ولو اقول اني نسيت والله اني مانسيت
صارت الدنيا بدونك في نظر عيني شقيه=ومستحيل اني ابفرح لو نصيت اللي نصيت
تذبل ورود الحدائق من بعد ماتكون حيه=لانها شافت بعيني حزن يشبه كل ميت
كل شئ في حياتي صار يترحم عليه=وماالاقي من يواسيني سوى وقت المبيت
لاتقولي بس يكفي لاتكمل ياعطيه=ماخفي بي كان اعظم وماهو عيب اني بكيت [/poem]
الزهرانــــــــــــــــــ ــــــي
