المشاركة الأصلية كتبت بواسطة ## الورقــــا ##
مساء \ صباح الخير
البعض لا يلاحظ مالديه الا بعد ان يفقده
ولا يصدق انه فقده الا اذا فقد الامل باسترجاعه ,,,
,
,
,
[poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تمناني مدام انه متاحٍ لك تمناني=وحلم بي قبل لارْحل واصير اسما من احلامك
هذاك اول ,, تزعلني واحاول بك ترضّاني=وتتركني واجي يمك واجي لاقْفيت قدامك
هذاك اول ,, تبيتني على صدك وتجفاني=واكفكف مع شروق الشمس دموعي واتبع اقدامك
هذاك اول ,, تناظرني ويذهب كل ما جاني=واصدق نظرة عيونك وهي تلبسني اثامك
هذاك اول ,, تعاتبني وتامرني وتنهاني=وانا اتْحمل , لاجل ترضى , غموض الطبع وخصامك
هذاك اول ,, تحاكمني وأنت المذنب الجاني=واساير ثورة جنونك وانفذ كل احكامك
هذاك اصبح زمان اول , وبصْنع لي زمن ثاني=وياسّيد زمان الجور , تحمل نقص خدامك
مدام اعمارنا ايام , ولو طال العمر فاني=تعال وجرب ايامي , وانا اغفر سالف ايامك
تعال بعزتك طايع انا مابي ترجاني=ولا يسعدني خْضوعك , ولا أسعى لإرغامك
ابيك اقوى ابيك اكبر , ولكنك على حاني=ابي تحكي عن طموحك , وتشكي لا الزمن ضامك
ابي اسأل وتسألني , وابي تضحك على شاني=وابي لاقلت لك اهواك , تعبر لي عن هيامك
اذا يرضيك دورني , وتدري وين تلقاني=وانا لا جيتني شاري , شريتك انت والامك
ولك بفتح دواوين المشاعر لاجل تقراني=وخط بصفحة الحاضر بنود الحب باقلامك
واذا البعد , او زمان اول , اقول احسن لك انساني=وعذب نفسك بنفسك ( اسير لسطوة اوهامك )[/poem]
,
,
,
وسلامتكم
