قصيد ه جديده منشوره في جريدة اليوم بتاريخ اليوم
اتمنى ان تنال على رضاكم
وهذارابطها
http://www.alyaum.com/issue/page.php?IN=12362&P=23
[poem=font="Arial,6,darkblue,bold,italic" bkcolor="transparent" bkimage="backgrounds/34.gif" border="groove,7,crimson" type=2 line=0 align=center use=ex num="0,black"]
الجادل اللي لها بالقلب قدْر ومقام =يا وجْد حالي عليها كثْر حُبِّي لها
نجلا العيون بْهَدَبها شوق ما ادْري خِصام = يومٍ حَكَت لي من اللهـفه مظاليلها
فيها دَلال وجمال وكبريا واحترام = تضِيع كل العذارى في طرَف ليلها
لا من تثنّا على ردْف ٍ يضِيم الحزام = عزِّي لنفسي من الغربال عزِّي لها
لا جَت تعدّ الخطاوي طار سرْب الحَمام= من قدّها لا اقبلت كلٍّ يسمِّي لها
رعْبوبةٍ في وصايفها يضيع الكلام =أتعَبت حِبْري وانا اكتبها وأغنِّي لها
لا سولفَت لي توصّلني حدود الغمام =وأطير من فرحتي وأشعل قناديلها
حَبّيتها لين عدّيت بغلاها الهيام=حتى شرَبت السعاده من فناجيلها
منْها تعلـّمت وشلون اختصار الغرام= لين اختصرت الدروب اللي تودِّي لها
أسرَجْت خيل السهَر وأغليت قلّ المنام كله على شان تصْدق في مواصيلها
يا ليتها بسّ لومرّه تردّ السلام=والله لـ اخلـِّي بيوت الشعْر تصْخي لها
وأقول كلّ الغلا لك واتحدّى الملام = ما دام مزْن الغلا تمطر هماليلها
[/poem]
