الشعـــر مثل السيــف والجنبيه
[align=center]أتمنى أن ترتقي لذائقتكم الراقيه[/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعـض القصائـد مالهـا ماهيـه=لـو انهـا فـي شكلهـا براقـه
الى متـى وأنتـه بهـا العقليـه=وكم لي وأنا أنصح فيك ياالطرباقه
وأنكان مالـك وجهـااا وجاهيـه=ماينفعـك شعـرك ولالـه فاقـه
ممكن تجيـد الـوزن والقافيـه=بـس المعانـي والعلـوم دقاقـه
وممكن تسـوي هيلمـه وهميـه=وتصيـر كنـك(....) الطقـاقـه
لكـن ذود الشـعـر ياراعـيـه=ماطبلـك وسطـه بعيـر وناقـه
الشعر مثـل السيـف والجنبيـه=مايحتزمبـه كـل قاطـع ساقـه
والشعر مثل الروضـه المحميـه=فيها مـن الازهـار باقـه باقـه
وأنـا قصيـدي دلـة(ن) بريـه=تضـرم عليهـا العالـم الذواقـه
لاهيـب محترقـه ولاهـي نيـه=كيفااا تشفقهـا الرجـال شفاقـه
شاعر وفي راسـي ميـة جنيـه=والبحر ما آهابه وأغوص أعماقه
وأختـار منـه الـدره المنقيـه=وأخلي (الغثـرب) لمـن يحتاقـه
قلته وفـى الشعـار ميـه ميـه=شاعـر قصيـده ماتمـل عناقـه
اليـا سمعتـه قلـت يالله حيـه=حي القصيد وحي منهـو ساقـه
وشاعر على موال هـاي وهيـه=ومتعبـااا حتـى القلـم واوراقـه
لامنـه لاحسنـه ولابـه سيـه=خلـه يـدور بالقصيـد أرزاقـه
ميـر البـلاء والعلـه المخفيـه=لا جاء من الشعار شاعر عاقـه
حمـال للاسفـار روحـه جيـه=وقصائده تجيك عكـس أخلاقـه
لابـوه لابـو نفسـه الدونـيـه=آخير من قـرب الخمـام فراقـه[/poem]
