يــابنت شوفي راسي الشيب كاسيه
اقدم لكم هذه القصيده اتمناا تنال على اعجابكم
[poem=font="Simplified Arabic,5,black,normal,normal" bkcolor="transparent" bkimage="" border="solid,4,orangered" type=1 line=0 align=center use=ex num="0,black"]
يابنت شوفي راسي الشيب كــاسيه=وانا شباب تو مانـــي بشـــايـــب
من شافني يسألني الراس وش فيه=قلت الزمن هذا زمـــــان العجايب
وقتي قسا ووقت غيري يراعيــه=شوفى جروحي ياجروحي عطايب
صابر على مر الزمان وبـــلاويه=ماهبت طعناته ولاني بهــايــب
دام العمر محسوب بحساب واليه=صبرى على الشدات ورث القرايب
حتى لو ان القلب كثرة شكاويه=عقلى معي يابنت ماهو بغايـب
مااتبع ورى قلبي لو الوجد حاديه=لو الثمن قبري عليه النصــايب
ماارضى اعيش بذل باول وتاليــه=عالي مقامي لو وقتي نهايب
وان كان شيبي يفرح اعداي طاريه=الشيب عمره مايجيب المعايب
العيب والله من تسوقه خطـاويه=يمسي ويصبح فالبيوت الخرايب
العيب والله من زمانه مضريـــه=على الردا لو هو عريب النسايب [/poem]
]تحــياتى / عبد الوهاب الرحيمي= النمر العربي
