&&بـــــرديـــس و الجـــــــــواسيس&&
مساكم الله بالخير جميعاً
اذكروا ارحم الراحمين
وصلوا على محمد
والعنوا بليس
بسم الله الرحمن الرحيم
السلام عليكم ورحمة الله وبركاته
[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="outset,10,gray" type=0 line=0 align=center use=ex num="0,black"]
اصد عن بعض الوجيـه المعابيـس=واجنـب دروب الـردى والجهـالـه
ماهو بخوف الى بجسمي حواسيـس=واقـدر العربـان فـي كـل حـالـه
حشّمت نفسي عن فعـول الدنافيـس=وكرّمـت هرجـي والثعالـه ثعـالـه
ولو انها وصلت لضـرب المتاريـس=كان اصغر اخوانـي يطـوّح عقالـه
لكن علـى الله يازمـان الجواسيـس=لا والله الــى يـازمـان الحثـالـه
مبـداك متوصّـخ ومليـان تدنيـس=وضاعت حقوق الطبع بيـن العمالـه
وحُرّيت التعبيـر عنـد الجواميـس=أخذ وعطـى وبكـل يسـر وسهالـه
وحنا علينا القيـد ملـوي يابرديـس=ولو قلت كلمـة حـق قالـوا ظلالـه
احس صدري صاير يخيس ويخيـس=من واقـع علـوم الزمـان وحَوَالـه
وهموم بقعى وسط صدري مكاديـس=تكدسـت بيـن اليميـن وشمـالـه
تكفون فكـوا مـن يدينـه محابيـس=ياهل الشكاله ويـن عصـر الشكالـه
ماني خوي ابليـس ياحظـرة بليـس=أنا خـوي اهـل السمـو والجلالـه
وماني خوي أهل الغنـا والمراويـس=انـا خـوي المـذن وراس مـالـه
اعيش في واقـع علومـه متاعيـس=كن الزمـن صابـه عـروق النذالـه
وعصر المهلهل راح مع عصر بلقيس=وهذا العصر عصـر انكتـم يازبالـه
وهـذا زمـان ملفلفيـن القراطيـس=ماهو زمان اهل القنـص والجزالـه
وهذا عصر لكياس ياجاهـل الكيـس=انـت وابيـك وجـد جـدك حلالـه
ولا صار قول الحق خلف الكواليـس=الله يعـجّـل بالـزمـان وزوالــه
وفيه امنيه والله عضيـد المفاليـس=لكن اخـاف تكـون شبـه استحالـه
يرجع زمان اهل الرمك والفواريـس=ونشوف من فعلـه ينومـس خوالـه
[/poem]
وسلامتكم
الـــــراوي
