((قالت بالصيف يم أثينا وتكساس))
[poem=font="Simplified Arabic,6,darkred,bold,normal" bkcolor="transparent" bkimage="" border="none,6,gray" type=2 line=1 align=center use=ex num="0,black"]
قالت بصيف يم أثينا وتكساس=ومن بعدها روما وباريس وجنيف
حياك واترك كل هم(ن)وهوجاس=ان كان تبغى تحس باجازة الصيف
بجو(ن)براد ورحلة(ن)كلها اوناس=مدفوع تذكرتك وكل المصاريف
قلت اعذريني ياشبه عقد للماس=دام السفر فرق قلوب المواليف
تمتعي باجازتك فرح واحساس=عيشي زمانك دام جالك على الكيف
لوردني عن رغبتي بعض الأفلاس=صبري يقاوم جور الايام والحيف
لاتحملي من صوبي الهم والياس=متعود أصيف على ساحل السيف
مابين ربع(ن)معرفتهم على ساس=ربع(ن)يعرفون الوفأ والمعاريف
في وسط دار(ن)جوها يجلي الأعماس=حتى لوأنه ريح حر وعواصيف
وزود(ن)على هذا تراني قوي باس= ماأشكي ولو كثرت على التكاليف[/poem]
