[poem=font="Simplified Arabic,6,black,bold,normal" bkcolor="transparent" bkimage="" border="double,7,black" type=2 line=0 align=center use=sp num="0,black"]
.................. اصول التكانه= .........................
.
.
عاد أنت لاتاخذ كلامي على جد=شفتك خثرت وقلت أصب الميانه
ولو أدري أنك يوم امازح تبي تصدّ = علمتك شلون ..... الثقل والتكانه
مااكبر من انفاس الخطا لا حلا رد = إلا الثقيل ليا كتـــب عنفوانه
ماقلت لك ياصاحبي .. للصبر حد= وما قلت لك ياصاح ..... إلا الخيانه
وما قلت لك لاتبّيح بخافقي سد =ولا ترخي لمهر الخطايـــا عنانـه
ولاتقطع بسيف الخطا شعرة الود =ولاتعبث بوجه الزمــان ومكــانه
ولا تستفزالموج بالجزر والمد = لاصرت تدري عن دهاليز شانه
هاذي جروحك عدّها لو تبي عد= وانت اتعرف كيف الخفوق وحنانه
مرات اقول انك على الجرح منحدّ = ومرات اقول اكثر جروحك لعانه
ومرات اشوفك غير.. لا مع .. لا ضد =مســـكين لاخر مفردات السكانه
ومابين ذي وذيك والجذب والشد =جيـــــتك وفي قلبي لقلبك أمـــانه
أبيك تاخذها على محمل الجد= وإن قلت إهانة فاعتبرها إهــــانه
ياصاح أنت اسخف من إنك تجي ند=لنّك كذا.... لامســتوى ولا مكــانه
فخفف لظى شوفك إذا صاحبك لد= ولـــــملم بقايــــا تيـــه ولّى زمانه
وخلك على مفرق خطا الامس والغد = مابين خفـــــاقك ورعشة هوانه
وإليا بغيت اتصد ياصاحبي صد = مادام علّمتك ..أصــول التكانه ..!
.......... عوده نزال= ...........[/poem]
