قصيدة رثــــاء في الشيخ / ناصر الشغار رحمه الله
http://www.alriyadh.com/2007/02/11/img/112182.jpg
قبل أيام فقدت قبيلة عتيبة أحد رموزها وهو الشيخ / ناصر الشغار رحمه الله شيخ شمل ( الدماسين ) عن عمر يناهز المائة عام , وحبيت أشارك مع من شارك بقصائد الرثاء ولكن لعل مايميزني عنهم أني خصيت في قصيدتي هذه صرحنا الشامخ ( غرابيل ) وهي بين اياديكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعين دمعك مايرد المقادير=خفي وكفي لاتزيد المعاناة
الموت حق اليا انكتب دون تاخير=مكتوب من رب الثرى والسموات
والناس بالدنيا ورود ومصادير=يعني ترانا اموات من صلب الاموات
احدٍ يموت وفيه للقلب تاثير=واحدٍ يموت وذكره يروح بسكات
يقوله اللي صوّر الحزن تصوير=يكتب وينثر فوق الاوراق عبرات
ليله من البارح هبوب ومعاصير=فكره ومن كبر الحزن فيه سجات
وش ينفعه لو سطر الحرف تسطير=ولو يكتب ابيات الشعر فوق الابيات
والله ماعنده من القول تعبير=لو قال مهما قال بالقلب طعنات
نرثيك ياراع المواقيف يا امير=في كل موقع لك مكان وعلاقات
نرثيك ياناصر وحنا مدابير=بعدك ودرب الموت مافيه روغات
تاريخك ابيض مادخل فيه تزوير=لو حرفوه اهل الصحف والمجلات
شيخٍ ولك بين الرياجيل تقدير=ذكرك بقى ياشيخ لو متّ مامات
( فرقين ) يبكيك وبكى بعده ( النير )=وتبكي عليك جبال ( أجا ) و ( السروات )
ويبكيك بيتٍ مدهلٍ للخطاطير=طيبك تعدى للفضاء والمجرات
من زود حرصك للضيوف المسايير=بيبان بيتك في اربع الإتجاهات
وان جيب طاري للرجال المناعير=انت الذي تطري على الناس بالذات
عند المواقف ماتعرف المعاذير=الكايدة وان قمت صارت سهالات
كم واحدٍ لاجله قطعت المشاوير=تقطع علشانه طوال المسافات
محتاجلك في وضع يحتاج تغيير=وتغيّره لأنك زعيم المهمات
واليوم وينك يازبون المخاسير=نسأل وحنا عارفين الإجابات
يامن بنى مجده على غير تعمير=ماهوب تعمير الفلل والعمارات
مبني على ميثاق عز ومعايير=بالطيب مبني والمواقف له اثبات
الناس تدعيلك على كل تكبير=في كل مسجد عند كل الصلوات
مرحوم يامن بعدته المقادير=اقفى وذكره في جميع المجالات
يالله عسى قبره ورورد ونواوير=وفي جنة الفردوس عطه العلامات[/poem]
اخوكم / فيصل العتيبي
