مشاهد من غرفة المعلمات
المشهد الأول :والله ما شفت منه خير (تقصدزوجها) ما نشوفة أبدا دايم عند امه او عند ربعه ولا عمره طلعنا ،،،
تعقيب من أخرى : والله يا منى كل الرجال كذا الله يصبرنا عليهم
( تهدي النفوس )
المشهد الثاني :شكل المديرة اليوم مزعلها زوجها !! مرة معصبة اليوم! الله يقويه عليها وعساه ياخذ حقنا منها ( ضحكات تتعالى ) يا كرهي لها ولا من زينها بعد !!!
(غيبة وضعف شخصية )
المشهد الثالث :
تصدقون يا بنات إني وفيصل (زوجها) يومياً (لاحظوا يوميا وحطوا تحتها عشرين خط ) بس ننوم العيال ونطلع نتمشى وكل ليلة عشانا في مطعم جديد وبعد ما نتعشى يمر بي فيصل حبيبي على محل ورود ويشتري لي باقة ورد ويقول لي الورد للورد ( يا عيني )
المشهد الرابع :
ما تلاحظون إن نورا علاقتها ممتازة مع الإدارة ويحبونها !!! ومرة الطالبات يموتون فيها !
صوت نشاز من آخر الغرفة تعلق قائلة : كذا الحرمة اللي ما يحبها زوجها تخلص مرة في العمل !!( تهتز الرؤوس لتوحي بالموافقة على هذا الرأي لتبرير الإهمال )
المشهد الخامس :
العروس عبير وبعد غياب تعود للعمل بعد شهر العسل ...
مبروك يا عبير كيفك وكيف زوجك؟ إلأا تعالى عبير أحكي علينا وش صار أول زواجك !!! ( تنطلق عبير تحكي بالكبير والصغير الصدق مره والكذب مرات )
المشهد السادس :
اسمعوا يا بنات نصيحة لا تدلعون رجالكم أنا والله مربيتة ومخليته يمشي على كيفي والله ما أعطيه قرش!! أصلاً النفقة عليه !! وترى الرجال ما ينعطون وجه ... أنا معودته أن الشغاله هي اللي تزين فطوره !! ما يستاهل من يقوم عشانه وكل أغراضة الشغالة تسويها له ( يا فرحت أمك فيك وعقبال ما تباركين له بالزواج الثاني )
