عقب الوفا فجأة دليل الجفا بان
من دون ذنب كيف تنوي الجفا لي
راحت حياتي منك شوق وحرمان
قلبي جريح وقلبك اليوم خالي
ولو طال مابي من غرابيل وأحزان
كرامتي تعلا على كل عالي
~::~::~::~::~::~::~::~
انت بالنسبة لي شخص عادي
غسلت إيدي أنا منك ولا بسأل أبد عنك
تبي ترجع؟ تبيني أروح؟
تأكد ماعلي أنا منك
تسمح ولاّ ما تسمح
حبيبي انت ما تصلح
متى علمني كنا مثل باقي البشر نفرح؟!
~::~::~::~::~::~::~::~
ماعاد له داعي تجيني ولا أجيك
مدام رحت وخاطرك طاب مني
طعنت قلب كان بالحيل يغليك
غرك كلامي العذب مع صغر سني
كنت أحسبك سيفي إذا ضقتك أناديك
اثر البلا سيفي هو اللي طعني
~::~::~::~::~::~::~::~
أنا ماني الذي بالأمس ع شوفتك يترجاك
تغير واقعي وأضحى زمانك خارج زماني
ع بالك أنا يمكن أسامح وأتناسى خطاك
أنا مهما أسامح مقدر أنسى إنك الجاني
خطيت بحق قلب كان وافي ساعي لرضاك
يزعلني لجل يرضي غرورك ويتحداني
أبتناساك لين أنساك وأكيد أنا بنساك
وبنسى ذكرياتك كلها وأرجوك تنساني
~::~::~::~::~::~::~::~
كنت أحسب غلاتي
بقلبك شي كبير
واليوم عرفت إني مثل
حبة الرمل اللي تطير
~::~::~::~::~::~::~::~
يا حزين القلب هونها وتهون
خل باكر يفرجه رب كريم
عيش أيامك بلا هم وشجون
وما مضى يا صاحبي عمر قديم
كان حبي لك يسمونه جنون
الجنون أنساك والله العظيم
~::~::~::~::~::~::~::~
بالحب أنا دايم أصبح وأمسيك
وأضم روحك في صحايه وسباتي
الله لو تدري أنا كم أغليك
تدرك بأن محد يحبك شراتي
اطلب تمنى ياغناتي وبعطيك
يامالك قلبي وروحي وذاتي
لو أزعلك أرجع بقلبي وأراضيك
مدام تسوى ياحياتي حياتي
~::~::~::~::~::~::~::~
على فرقاك أنا بقوى دام الغدر بعينك بان
أظنك سامع النجوى لاتصدق من لك خان
خل القلب به سلوى عادي عندي قدرك هان
قليله فيك ذي القسوى وحرام تكون انت إنسان
~::~::~::~::~::~::~::~
يموت الأمل وأعيش في معركة فرقاك
حياتي قطار وموقفه في محطاتك
نهاية وجود الحب في خافقي فرقاك
مع إنه سحابة حب من ذاتك لذاتك
ولا زلت أقول الحب وش لذته لولاك
إخذ ما تبقى من حياته وما فاتك
~::~::~::~::~::~::~::~
لا تشوف نفسك علي وتغتر
منت ذاك اللي يستاهل إني عليه أحتر
الدنيا كبيره ياصاحبي لو بس فيها أفتر
بلقى اللي يسواك واللي يستاهل إني بصحبته أغتر
