قصة ليلى والذئب باللهجة العراقية
السلام عليكم ورحمة الله وبركاته
قررت أن اروي لكم قصة ليلى والذئب بالهجة العراقية
يمكن ما تفهمون بعض الكلمات ويمكن تفهمون عموما أني موجودة للاستفسار عن اي مصطلح ههههههههه حلوة كلمة مصطلح
يلا نجرب نسولف عراقي يعني مثل ما أني تعلمت سعودي أريدكم تتعلمون عراقي
والان القصة بصوتي أنا لمياء الديوان
اكيد كلكم تعرفون قصه ليلى والذئب الي جنه نسمعه واحنه صغار بس هاي قصه جديدة يعني الفين وهسه و ان شاء الله تعجبكم ايكلك من كبرت
ليلى وطبت صف سادس جانت شاده حيلها (بحبل مال مولده تايكر !!) وتريد تدخل طبيه بس خطيه ليلى مكدرت تغش بالامتحانات والبراشيم المسويته مجتي بالامتحان والمدرس واكف عله راسهه مينطيه مجال تنقل فسوده عليه ليلى مطعلت معدل زين يدخلها طبيه بس ليلى كانت مصره على حلمها وطبت كليه الطب البيطري عن طريق الكليات الاهلية وليش و مو فد يوم يجي عليها الذيب ويصارحها ويكلها الذيب : ( ليلى اني اريد اخذ من وكتج خمس دقايق ) وبما ان ليلى كانت كلش كريمه نزعت ساعته من ايدهه ونطته للذيب فرد لالالا مو هيج خمس دقايق يعني اريد احجي وياج بموضوع هام : الذيب
ليلى : همينه مخلص حجيك عاد شتريد بيبيتي وماتت يعني بعد ماروحلها وماوديلها كيك شتريد مني بعد دتشوفني ماشيه بحالي اي دعوفني عاد
الذيب : لا ماتت بيبي (ويكول بقلبه هله صارت هم عروسه وهم ورث ) الله يرحمه جانت
خوش مريه فتحتلي الباب بسرعه بوكتها حته منو مكالت
ليلى : فضني شتريد
الذيب : ليلى مو اني من يوم الي شفتج بي بيت بيبيتج واني مدانام (البك كتلني) ومدا اتحمل حبيتج من اول بوعه
ليلى : صدقه .. وتريدني اصدك بيك اصلن اني ماعندي ثقه بيك ابد انته قشمرتني
واكلت كيكه بيبيتي وتريدني اصدكك
الذيب : ادري انتي هسه دتشكين بيه وباخلاقي بس شسوي اني السويته ويه بيبيتج جان
غصب عني اني دكيت الباب واني كلش جوعان وجنت متوقع تطلعلي وحده سمينه
وحلوه حته تصير هم عشه وهم دسم وطيب بس من شفت
بيبيتج تفاجئة ممتوقع تطلعلي وحده نواشف
ليلى : زين ومن قشمرت عليه بكلامك
الذيب : لا والله ماتذكر بيومه جان بالي يم الكيك .. يا كيك
ليلى : من كتلك اشو عيونك كبار تكلي حته اشوفج زين .. خشمك جبير .. حته
اشتم ريحتج زين .. حلكك جبير حته اعلف زين
الذيب : والله حقج بكلشي واني هسه حوضحلج كلشي عيوني جانت جبيره لان ابويه صيني وامي كرديه .. اما خشمي فبصراحه جنت العب بي هوايه واني صغير فتمدد بالحراره وانتضرت الشتاء حته ينكمش بس ماكو بالعراق شته كله حر فبقه خشمي هيج اما حلكي فهاي مو صوجي صوج الطبيب الجابني للدنيه جانت ولادتي متعسره وجرني من حلكي فجولك حلكي من الطفوله وتدريين ابويه
made in china
ليلى : هسه شتريد مني
الذيب : ليلى اني احبج واريد اتزوجج ونجيب
ولد واسمي (لواء) ..
ليلى : شنو بابه شتسمي
الذيب : لواء .. شبيج
حته يصيحو لواء الذيب
ليلى : واني ماريدك وميعجبني ارتبط بواحد مثلك انته مو من مستوايه
الذيب : ليش شبيه .. اشو حيوان وابن حيوان مفترس ماكل بس لحم
و حوسمت الزوراء كله مبقيت شي بحديقه الحيوان ماخذته
ليلى : حته لو تصير ابن الجلبي .. اني لو اتزوج قيس لو كاظم الساهر
الذيب :قيس شنو هذا من الجاهليه يعني بعده طفل .. ثانيا كاظم الساهر منين
يباوع عليج
ليلى : لك قيس المعاجبك ابو القصائد كتب علي شعر اشكال والوان لك مات من ورايه
و كاظم الساهر يموت عليها حته غنه اغنيه عله مودي انا وليلى
الذيب :اي اني هم شاعر وهم اغني مسامعتني غنيت لك
اغنيتي بستار اكادمي :
زعطوط جنت وانتي هم زعطوطه و حبنه كبر بحركات الزعاطيط
وبين النجمه والكمر كبر حبنه وازدهر لعيونج يا ليلى اعوي وقت الظهر الظهر
اما عن اشعاري فهم اطربج بيهه
سمعي كتبت شعر عليج
نزرع سمج بالكاع نحصد جكاير خلف الله عل تمساح شكرا جزيلا
ليلى : انطيني مهله افكر الاربعين مال بيبي
بعده مطالع وراها الله كريم
...
( وجان ليلى اتشدله مغذي للذيب )
لمياء الديوان
