[align=center]إليكم اخر المستجدات[/align]
[poem=font="Simplified Arabic,6,white,normal,italic" bkcolor="sienna" bkimage="" border="ridge,5,darkred" type=1 line=0 align=center use=ex num="0,black"]
دكتور ما به علاجاتٍ تنشطني= وصفتك هذي مغير اعشاب واخلاطي
وشبك تلاعب على عقلي تلخبطني= انخاك وابغى السنع مير انت خراطي
تلمس يدي والبلا والموت في بطني= تقول ما بك مرض خل التعباطي
لو قست ضغطي لقيت الوقت ضاغطني= شف للحراره بوسط المخ نخاّطي
الله حسيبي على اللي معك ورطني= حتى حصللي قلق وارهاق واحباطي
ارجوك لوني اغلط لا تغللطني= ما عاد ينفع بها تصحيح الاغلاطي
ما دام مني خذيت المعرفه عطني= لصير انا وانت مثل الحوت والشاطي
مدري لونه عليك الله يسلطني= والله لخليك ترجع لاصلك الواطي
وش معجزات الطبيب الشاطر الشطني= ما جاب علم الحواريه والاسباطي
ما عنده الا الدجل والكذب والرطني= مواقفه كلها تلفيق وخراطي
كفى كفى شرحها للفاهم الفطني= والاّ بعضهم يضيعه التخباطي[/poem]
