هــــــل تـــحـــبــيــنــه؟
الاخوه الاعزاء في منتديات غرابيل
السلام عليكم ورحمة الله
اصافحكم بهذه المتواضعه علها ترتقي لذائقتكم العاليه... كما اخبركم عن انقطاعي لفترة لحين انتهائي من ارتباطاتي واولها امسيتي القادمه في الكويت في اعياد التحرير والوطن ... ولكم تقديري واحترامي
اخوكم
جمال العتيبي
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وئدتي بسمة الشعله بشمعٍ ينتظر يضويك= يذوب ويحتري لمسك تحني تمسكي ايدينه
يضيع طعمه السكر حزين وذاب من طاريك= وغص بشربة الشاهي شهيد بظرف تكوينه
وحن الكاس ليدينك تضمه والدفاء ماليك=شعور الفرح بسمات الزجاج يصيح تغوينه
تغار الزهره بحضن الخزف تنطر تمد ايديك=تموت بعطرها تنطر متى يطري تشمينه
يذوب الملح وبنفسه تعب من كثر ما يرجيك=فقد تكوين بلوره وصاح اشلون تنسينه
زحف شوق (المحارم) واختلط بالدمع من مغليك= تجف الدمعه بجمر الفراق وبخرها دينه
تحير المنضده وشلون تبقى دونما تحريك=تذكر كيف تضحك لك بلمسة ساق تغرينه
تشوفين المكان اللحين مظلم والغلا يبكيك=تعالي واجلسي حرت وبغيت اليوم تملينه
ملل وبجلستي وحدي يمل من الفضا كرسيك= تمل بها المكان اجواء تسئل هل؟( تحبينه)؟
تذكرت بوسط هالمعمعه هاتف بكى يشكيك=يحن لصوتك بهمس الغرام ارسل تجيبينه
نسيت ودفتر ارقامي يضم اسمك بعد شاريك= يضم ارقامك بحظنه وطول الوقت تشقينه
دقيقه هم نسيت العطر وبراحة يديني شيك=فقد من لوعته ريح الشذى وانتي تخلينه
ياهيه الدبله انجنت بهت لون الذهب يكفيك=وعافت مسكن العلبه هدمتي بيت مسكينه
خلاص اضن مافيني ابذكر كل من يدعيك=كفايه حن لك قلبي ونبضه دق دق الفينه
تعالي ركننا الهادي تمنى ضمتك يحويك= يذوب ومن غلاك الوقت يشهق لو تضمينه[/poem]وسلامتكم
