انت اشوفك يا بو شيبه مع المعنى تغوص
[align=center]هذي قصيده موجهه للشاعر القدير / مدغم بن عايض ابو شيبه[/align]
[poem=font="Simplified Arabic,6,white,normal,normal" bkcolor="sienna" bkimage="" border="ridge,5,darkred" type=1 line=0 align=center use=ex num="0,black"]
انت اشوفك يا بو شيبه مع المعنى تغوص=ومتخصص في الطرائف معرفه واختصاص
رحلتك شرق الجزيره وجنبت القنوص=وجبت منها الحاتمي والهشيشي والخلاص
شاعرٍ ممتاز يخشا عليك من النقوص=ما عليك نقوص مير الوجوب الاحتراص
من سلك مثلك طريق المعالي ما يحوص=ولا تحيّز موقفه من عبيد الى جلاص
واعلم اني في كلامي لشرواك مخصوص=خص علمي شاعرٍ في بحور الشعر غاص
يوم اشوفك مبدعٍ في معالجة النصوص=في الطريق اما معي خوتك والا خلاص
خوتك تشراء واشجع ولاني بمغموص=احجز الرحله على طائرات الإرباص
يابو شيبه لا تعرض قصيدك للصوص=لا تجامل راح مالك مع اهل الاختلاص
لاطراء خبل لحلقه مقاس ثنين بوص=قال انا شاعر وشعره على الشعر انتقاص
ما تشوف الناس كن ابّعضهم عرق صوص=له شبيه في كثير المزاياء والخواص
كل ما يجمع ويربح ثلاث اربع فصوص=قال عطني يابو شيبه واخذ وافلح وحاص
لا خذ الطيب يجيبه مخبص ومغفوص=خبز رفلاً تو صبت عليه الماء قلاص
ساحة الشعر مخبوصه والابداع مخبوص =خبصوه الى بنوا هيكله من غير شاص
لو كلام الناس يخضع لشاعات وفحوص=مغنطه فحص كلينيكي عمل كهرب وماص
يكشفون الى كلامه محنط ومحموص=تمتخض هبرة لسانه على سوبر بلاص
لا هرج كنه يجمع فروخٍ في قفوص=يخدع الى ما يعرف الثمين من الرخاص
جاهل من سمع نقده يقول انه بخوص=مختبر مقياس هكتر سريع الامتصاص
ابلش اصحاب المتاجر وهو خبلٍ ملوص=ما عرف وزن الذهب والنحاس من الرصاص
والذهب من منتجاته على وجه الخصوص=منجمه في وسط مهد الذهب والا النماص
وفي الختام احفظ مبادي معالجة النصوص=لا يروح انتاج فكرك طمايع واختلاص[/poem]
