كل ماجيت أتغزَّل فيها = القوافي يلِّعن هافيها !!
[poem=font="MS Sans Serif,5,black,bold,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]
كل ماجيت أتغزَّل فيها = القوافي يلِّعن هافيها
كل شعري بحسنها صبِّيته = وبالأخير احسِّني هاجيها
كل ماتطري عليَّة حاجة = من حلاها حاجةٍ تتليها
قبلها كنت أحسبنِّي شاعر = وعقبها قصايدي ناسيها
لاطرت لي بس ! يرجف قلبي = وتبرد عظامي على طاريها
واتشجَّع واستعيد أفكاري = وانوي اكتب بس عن عينيها
واتذكَّر كيف هي نظرتها = يوم أنا خرّيت بين ايديها
( ناعسة )ماظن هذي ميزة = العيون الناعسة قاريها
( ذابلة ) بس الذبول أحيانا = ماأظنه بس هو زاهيها
( قاتلة ) بس القتل للمسلم = ينتقص منها ماهو يعطيها
( الحَوَر ) بعيونها اشوفه = هامشي لاغِصْت في خافيها
( والسواد ) بعينها رغم إنه = طاردٍ بياضها وغاشيها
مالِفَتْني كثر ماأذهلني = النخيل اللي غدا حاميها
( التحام رْموشها) ذكَّرني = كيف كنا نعتلي عاليها
كانت صْفوف العرب متحدة = من تلاحم رمشها تشبيها
لاذكرت الرعب في نظرتها = أفتخر إني قدرت أرميها
ولاذكرت الأمن في لفتتها = أحمد الله يوم أنا غاليها
ولاذكرت المكر في غمزتها = ادعي الرحمن عن تاليها
ولاذكرت الشك في صدّتها = قمت أتمتتم بالخفا مابيها
ولاذكرت السحر في نعستها = صِحْت : أبيها ! ايه أبيها ابيها
هذا بس عيونها ياعالم = كيف لو أوْصِف لكم باقيها !!
أحسن شي إني أضب أوراقي = قبل لااخبِّص واقوم أرثيها !
شعر \ حمدان سالم العنزي[/poem]
