. . . ( إقتراب إغتيـــــالي ) . . . للعابث مغترب !!
[align=center]مساءكم سكر :
.
.
.
الإهــــــداء : إلى الراقية في خلقها . . حيث نسجت أولى الخطوط الى إعادة ذكرى العاشقين الأوائل . . فقط :
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الراقيات من الطيوف المثيره = ترسم ملامح مبسمك في خيالي !!
والحزن باقي له بغيبتك سيره = من وين ماوجهت وجهي .. قبالي !!
يالذة البحه بصوت الأميره = اللي حلاها بمستوى الزين عالي !!
تطلق أمانيها العظاااام الكبيره = في شوف غالي غير عن كل غالي !!
يامارسمت بالطاولة المستديره = ملامحه راع الخيال . . الخيالي !!
هامت به هيام الهواء بالظفيره = وإلا هيام أهل الكرم بالدلالي !!
أقفى وخلا الدمع يلقى مصيره = ( بعض الغلا ماينشرى بالريالي ) !!
يأنبه كل ماتذكر . . ضميره = حب ٍ رغم ( أنف الجفا) مايزالي !!
عاش لوعد محبوبة ٍ تستثيره = لاسلهمت بالرمش . . ذب العقالي !!
(هي بنت حلال الأمور العسيره = وهو من سلالة محتمين التوالي ) !!
ماتابعت ( ميشو ) ولا آبلة نظيره = تتبع هوا الغربي بخضر المفالي !!
يجيبها يمه أمور ٍ كثيره = أم الحلا وأم الغلا والدلالي !!
وأنا ياريحان الخفوق وعبيره = ياطول صبري كل ماهز بالي !!
طاري غيابك . . وإنتهاء المسيره = وفرقى عيونك . . وإقتراب إغتيالي !!
أحس فيني قلب ( مجنون غيره ) = ماهو مثل قلبك على طول سالي !!
ماللعشير إلا مواصل عشيره = لو مايبالي صاحبه مايبالي !![/poem]
.
.
.
وللجميع ارق تحياتي ..[/align]
