المجبلة في حوفتج يا مهاوي .. بحضن العزب متقرفطه والدفا به
السلام عليكم ورحمة الله وبركاته
هذي قصه وانا جبته على قصيد
هالقصه قالته لي خالة امي مدري لوهي صحيحه او لا
وهي عن عجوزن مخرفه كان له ولد وهالعجوز يوم خرفت انسعرت على العرس
وكان كل خاطر يجي ولده تقول: (زوجني خاطرك) وتقعد تصييح
والولد انفضح مع الرجاجيل
وقعد مع مرتوه يدبرون خطه يقلعون به العجوز ويفتكون من شره
المهم جا الولد على اموه بليلتن بارده وأقعده من النوم
وقاله:( يا الغاليه قومي اسبحي جولج خواطيب واليوم عرسج)
وراحت الاميه يم هكالخبره ورمت كل ما عليه وقامت تسبح
والهوى كان بارد والماي بارد والعجوز ترشق على نفسه من هالمأ
وهي تقول :( الليله برد وحواحي والجابله بحضن العزب متقرفطه)
يمار مامن جابله ما غير نقز قلب العجوز وماتت
.....
عاد امس انا تذكرته وقعت اتعزواله واترحم على حاله
وجني هالبويتات
اتمنى تعجبكم
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مرحوم حال اللي قليبه هواوي = بوسط الخلا ماتت ولا احدن درابه
تبغى دفا حضن العزب له يداوي = عجوز بالتسعين فقدت صوابه
كل ما يجي خاطر يجر الخطاوي = صاحت تبي تعرس وتطرد سرابه
وراح الولد يضمر له الشر ناوي =الليله عرسج يا بعد كل ما به
قومي اسبحي واتجملي يا مهاوي = وترى العزب في حوفتج والربابه
وراحت عجيزنا تقط الغطاوي = في ليلتن زاد الهوا والشتا به
في خبرتن والحال بالحيل طاوي = جلدن على عظمن و(...) خرابه
والماي يجلج ما يعذر الهواوي = وعجوزنا ترشق على كل مابه
واللي مصبرها عريب النداوي = الاطرق اللي كل مابه ذرابه
وقامت عجيزنا تدن الغناوي = وتصبر قليبه على شوق جابه
(المجبله في حوفتج يا مهاوي = بحضن العزب متقرفطه والدفا به)
والبرد ما يرحم ولا يعرف ياوي = وقف عروق القلب بردن سطا به
وجتها المنيه والمولع شقاوي = وصارت عجيزنا عشا للذيابه
والمجبله صارت عليها سهاوي= في وسط قبره والدفا في ترابه[/poem]
الله يرحمه
