كان ياماكان ,,,, في قديم العصر والأوان ؟؟؟؟
ازيكووو ؟؟؟؟
عاملين ايه ياحلوين ؟؟
قبل ليلتين كنت في قمّة الحمى والتعب والانفلونزا ضاربه بكل قوتها في جسدي النحيل الغض <<<< من آثار الحمى ههههههه
المهم كنت تعبانه والطفش بالكوم عندي
وكلمتني أعز صاحباتي تتطمن علي ولقت حالتي لاتسر عدو ولاحبيب الكحّه انواع واشكال والصوت رايح فيها وقعدت تهذر معاي شوي وقلت لها المشكله لي يومين مانمت من التعب قالت طيب ياقمر انا بقعد اهذر عليك لين تنامين وبعدها بقفل الجوال قلت طيّب
قالت كان ياماكان في قديـ قطعت سالفتها قلت وش معنى كان ياماكان ليش مانقول كان واي وحده من اخوات كان ليش كان بس قالت الحين وشلون بتسكتين ولا لا ,,,, قالت في قديم العصر والآوان قلت طيب ماينفع جديد العصر والاوان قالت ياغبيّه كيف بتنامين وانتي كل كلمه بسؤال قلت اقول الله يرضى على امي ماكانت تحتج على اي سؤال قالت وشلون قلت اعلمك ,,
هذي امي ياطويلة العمر كانت تعتمد اسلوب التربيه الحديثه معانا كلنا بس مرات لما نعصبها مررررره كانت تقلبها تربيه بدنيه ههههههههه المهم من اساليب التربيه الحديثه حكاية ماقبل النوم وبما اني كنت ولازلت ابنتها المدلـله كانت تجي وتحكي لي حكاية ماقبل النوم وبعدها تقفل النور وتغطيني وتروح تنام وكانت تبدا القصه بكان ياماكان ,,, الخ وانا مع كل حرف او كلمه سؤال والمشكله ان امي كانت تجي وهي بالنفس الاخير بعد مجهود اليوم فماكانت تتحمل 5 الى 10 دقايق من القصه وتبدا القنوات حقتها تخش ببعض وتبدا بقصة علاء الدين وشوي وهي في قصة الزير سالم او سندريللا وتبدا تسولف وهي نايمه وتقلبها شات معاي لين الله يحفظها تغط في نوم عميق هههههههه ,,, اقوم انا اصحيها بشويش واوديها لغرفتها واغطيها واحب راسها وارجع انام ,,, في اليوم الثاني تنسى تماماً وش صار او كيف وصلت لسريرها وتجي في الليل ونعيد نفس الموال عمرها مانومتني انا اللي انومها كل ليله واوديها لغرفتها ,,, تالي قلت لها يمّه وش رايك اجي لغرفتك وانام معك لين تقصين القصه وانام بعدين اقوم اروح لغرفتي هاه وش رايك ,,, ضحكت وقالت مهبوله انتي كيف تنامين وبعدين تروحين لغرفتك ,,, قلت وش اسوي يمّه تعبت وانا كل ليله اصحيك واوديك لغرفتك وانتي نايمه هههههههههههههههههههههههه فهمت وقتها قصدي قالت اجل اسمعي اذا نمت عندك خليني نايمه معاك لاتودين ولاشي واتفقنا على كذا ,,,, طبعاً هذي من اساليب التربيه الحديثه مع انها ماناسبت الوالد ولا باقي اخواني وخواتي كل يوم وامي نايمه عندي ولافهموا وقتها السبب والاتفاق السري بيننا هههههههههههه
الو الو الو ,,,,,,, طبعاً على بال ماخلصت السالفه كانت خويتي اللي بتنومني نايمه على الجوال من نص السالفه قمت قفلت السماعه ههههههههههههههههههههههههه ههه
المهم هنا وش معنى كان ياماكان ؟؟؟؟؟ افيدوني بلييييز
والله اني اكتب وانا انواع الزكام والرشح فانتبهوا لا اعديكم ياحلوين وامنياتي بالتوفيق في الامتحانات للجميع
اختكم /// نجوووول
