هي أمنيه و ضاعت ما بين الأماني !!
[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كلٍ تمنى و فالحياة الأماني=يمكن تصير و بعض الأحيان ما تصير
و اللي قضى عمره و عاش الزماني=لا بد ما يعثر بخطوات فالسير
و أنا الذي لوعات سني تحداني=و بيني و بين الأمنيه حاجز كبير
حاولت في كسره بكل المشاني=و يا للأسف ما صار فالأمر تغيير
بالعكس أشوف البُعد يزداد ثاني=و أعود عاني من أول الصف لأخير
كلٍ تعلى فوق سرج الحصاني=و أنا ليا هالحين واقف على البير
أبديت قولي قلت : علْ و عساني=آجاد من اللي يجيب ندواي بالخير
و كني وحيدٍ واقفٍ في مكاني=و لا كن حولي ناس توحي لتعبير
حتى ذرفت الدمع و القلب عاني=يبحث عن سروره بكل التصاوير
رثيت حظي بعد حظي رثاني=و كلاتنا يرثي بعض بالأساطير
يقطعك يا دنيا بها العمر فاني=دنيا الشقا و الهم دنيا المخاسير
نفقد بها لحظات كل التهاني=و ناجد بها ضيقٍ و غمٍ و تكدير
و ما دام ما فالقلب وصل اللساني=أقولها و لا يضر لو بان تأثير
هي أمنيه و ضاعت ما بين الأماني=لكن لها بأظل في عمري أسير[/poem]
[align=center]ذهب
من
هنا
وهو يردد
هي أمنيه و ضاعت ما بين الأماني
لكن لها بأظل في عمري أسير[/align]
