[align=center]
يا زاير الليل طيفك ما يفارقني
*** لوغاب طيفك غزتني بعده أطلالك
نجم الليالي على طاريك يسهرني
***ذكرك على البال وحنا ما على بالك
في ليلة العيد ليتك بس تذكرني
***وليــت الليالي بعدنا تستر أحوالك
مع ضيم الأيام لا تخلى وتتركني
***ما لي فرح غير في قربك وعدالك
أشتاق لك شوق واشواقي تمرمرني
*** يا خالي الشوق من قلبك هنيالك
من جور فرقاك ليتك بس ترحمني
***لولا عذابه حياتي ما شكينا لك
الله على طول فرقاكم يصبرني
***ويجمل الصبر يا المجمول بوصالك
يا سعد الأيام كان الحظ يجمعني
***بك يا هوى البال يوم تغيب عذالك
وأهنا بخدك وزندك به توسدني
***أدثر بطول شعرك وأغفي حذالك
ما اريد خيط الفجر عنك يوقضني
***لا تظهرالشمس وعني تطوي عزالك[/align]
